The Trail: తెలుగులో మొదటి ఇంటరాగేటివ్ సినిమాగా ‘ది ట్రయల్’

The Trail: మ‌నం చాలా సినిమాల్లో ఇంట‌రాగేష‌న్ స‌న్నివేశాల‌ను చూసుండొచ్చు. అయితే ఓ పూర్తి సినిమా ఇంటరాగేష‌న్ మీద‌నే ర‌న్ అయితే ఎలా ఉంటుంది. నిజంగానే అదొక ఎక్స్‌పెరిమెంట్ అనొచ్చు. అలాంటి ఎక్స్‌పెరిమెంటల్ మూవీగా ప్రేక్ష‌కులను మెప్పించ‌టానికి సిద్ధ‌మ‌వుతోన్న చిత్రం ‘ది ట్రయల్’.
ఎస్ ఎస్ ఫిల్మ్స్ మరియు కామన్ మాన్ ప్రొడక్షన్స్ సంయుక్తంగా ఈ మూవీని నిర్మిస్తున్నారు. స్పందన పల్లి, యుగ్ రామ్, వంశీ కోటు ముఖ్య తారాగణంగా న‌టిస్తున్నారు. రామ్ గన్ని దర్శకత్వం వహిస్తున్న ఈ మూవీ ఇప్పటికే అన్ని పనులు పూర్తి చేసుకుని విడుదల సిద్దంగా ఉంది. స్మృతి సాగి మరియు శ్రీనివాస నాయుడు కిల్లాడ నిర్మాతలుగా మరియు సుదర్శన్ రెడ్డి సహా నిర్మాత గా వ్యవహరిస్తున్నారు.

రీసెంట్‌గా మేక‌ర్స్ ఈ మూవీ ఫ‌స్ట్ లుక్ పోస్ట‌ర్‌ను విడుద‌ల చేశారు. పోస్టర్ చాలా ఆసక్తిగా అనిపిస్తూ, సినిమా టైటిల్ కి తగ్గట్టుగా పోస్టర్‌లో చూపించిన డీటైల్స్ ఆసక్తి రేకెత్తిస్తున్నాయి. ఇక పోస్టర్‌పై స్పందన పల్లి యొక్క మొహంలో ఏదో ఒక తెలియని బాధ కనిపిస్తుంది. అలాగే ఇంటరాగేషన్ రూమ్‌లో ఎస్సైగా వ్యవహరిస్తున్న వంశీ కోటు ఎదురుగా స్పందన పల్లి విచారణ ఎదుర్కోవటం మనం గమనించవచ్చు. తద్వారా ఈమె ఏమైనా తప్పు చేసి విచారణ ఎదుర్కుంటుందా? లేదా చేయని తప్పుకు ఇరుక్కుందా? అనేది తెలియాలంటే కొన్నాళ్లు ఆగాల్సిందే. అదే విధంగా ''ది ట్రయల్'' మూవీ తెలుగులో వస్తున్న మొట్టమొదటి ఇంటరాగేటివ్ చిత్రం గా కూడా ప్రచారం జరుగుతుంది.

ఇక నటుల విషయానికి వస్తే, ఈ చిత్రంలో నటించిన స్పందన పల్లి ఇంతకు ముందు పలు చిత్రాలు మరియు వెబ్ సిరీస్‌ల‌లో నటించిన అనుభవం ఉంది. అదే విధంగా మరొక ముఖ్య పాత్ర అయిన యుగ్ రామ్ గతంలో ‘కనబడుట లేదు’ అనే సినిమా లో ప్రధాన పాత్ర గా చేసి మెప్పించాడు. అందులోనూ ఫస్ట్ లుక్‌లో ఈ పాత్ర ను ఉంచకుండా గోప్యంగా ఉంచడంపై ఈ పాత్ర యొక్క ప్రాముఖ్యత కథపై ఏ విధంగా ఉండొచ్చు అన్న సందేహాలు కూడా పలు చోట్ల వ్యక్తమవుతున్నాయి. ఇక మరొక ముఖ్య పాత్ర అయిన వంశీ కోటు యూట్యూబ్ వేదికగా అందరికీ సుపరిచయం ఉన్న నటుడు.

చివరిగా ఈ చిత్ర దర్శకుడు ఇంతకుముందు పోలీస్ అధికారి అని ప్రచారం జరగడం కొస మెరుపు. ఒకవేళ అదే గనుక నిజం అయితే విచారణ సమయం లొ గ్రౌండ్ లెవెల్‌లో జరిగే ప్రతీ డీటైల్స్‌ని ఈ సినిమాలో వాడి ఉండొచ్చు అనటంలో అతిశయోక్తి లేదు.
Payal Rajput: ఒంటిపై నూలు పోగు లేకుండానే పాయల్ రాజ్‌పుత్.. బోల్ట్ ఫొటో వైరల్
Virupaksha Collections: ‘విరూపాక్ష’ 4 రోజుల క‌లెక్ష‌న్స్‌ వివరాలు..లాభాల బాటలో మిస్టికల్ థ్రిల్లర్
R.Narayana Murthy: ఏపీ, తెలంగాణ స‌హా పేప‌రు లీకేజీల‌పై ఆర్‌.నారాయ‌ణ మూర్తి సినిమా

Alia Bhatt: కోట్లు ఖ‌ర్చు పెట్టి ఇల్లు కొన్న అలియా భ‌ట్‌.. కొత్త వ్యాపారం కోస‌మేన‌ట‌!

Read Latest Tollywood Updates and Telugu News