నువ్వే నా జీవితంలో వెలుగు.. 14 ఏట నుంచి..అసలు విషయం చెప్పిన శ్రీజ కొణిదెల

మెగా డాటర్, చిరంజీవి చిన్న కూతురు శ్రీజ కొణిదెల నిత్యం వార్తల్లో వైరల్ అవుతూనే ఉంటారు. ఇప్పుడు ఆమె కళ్యాణ్ దేవ్‌కు దూరంగానే ఉంటున్నారు. గత రెండేళ్ల నుంచి వీరి కలిసి ఉండటం లేదని తెలుస్తోంది. అయితే ఈ ఇద్దరూ విడాకులు తీసుకున్నారనే రూమర్లు ఎక్కువగా ప్రచారంలోకి వస్తుంటాయి. కానీ ఇంత వరకు వీరి బంధాన్ని గురించి గానీ, విడాకుల రూమర్ల మీద గానీ స్పందించలేదు. కానీ కళ్యాణ్ దేవ్ మాత్రం తన కూతురు నవిష్కను మిస్ అవుతున్నట్టుగా పదే పదే పోస్టులు పెడుతుంటాడు.

కళ్యాణ్ దేవ్ అలా తన కూతురికి దూరంగా ఎందుకు ఉంటున్నాడు? అంత దూరం ఎందుకు పెరిగింది? విడాకులు ఎప్పుడో ఇచ్చేసుకున్నారా? అనే అనుమానాలు జనాల్లోకి ఎక్కువగా వచ్చేస్తున్నాయి. అంతే కాకుండా శ్రీజ మధ్య మధ్యలో కొన్ని పరోక్ష పోస్టులు చేస్తూ తాను ఇంక ఒంటరిగానే ఉంటాను.. తనకు ఎవరి తోడు అవసరం లేదన్నట్టుగా చెబుతుంటారు. సెల్ఫ్ లవ్ కంటే గొప్పది ఏదీ లేదన్నట్టుగా చెబుతుంటారు.

తనను తాను మాత్రమే బాగా అర్థం చేసుకుంటాను అని, తనకు తానుగా ఒంటరిగా ఉంటేనే సంతోషంగా ఉంటాను అని చెప్పుకొచ్చారు. అయితే శ్రీజ ఇలా చెప్పడంతో విడాకుల రూమర్లే నిజమని అంతా నమ్ముతున్నారు. కానీ ఇంత వరకు కూడా బహిరంగంగా, అధికారికంగా విడాకుల మీద స్పందించలేదు. తాజాగా శ్రీజ మరో పోస్ట్ వేసింది. తన కాఫీ అలవాటు గురించి చెబుతూ షేర్ చేసిన ఈ పోస్ట్ ఇప్పుడు అందరినీ ఆకట్టుకుంటోంది.

నా అల్లరికి ప్రశాంతతను నువ్వే ఇస్తావ్.. జీవితంలో చీకటికి నువ్వే వెలుగులు నింపుతావ్.. నేను ఉదయం లేస్తున్నానంటే దానికి కారణం నువ్వే.. నా పద్నాలుగేళ్లు ఉన్నప్పుడు నాకు పరిచయం అయ్యావ్.. అప్పటి నుంచీ నాతోనే ఉంటున్నావ్.. థాంక్యూ మై డియర్ అంటూ కాఫీ గురించి చెప్పుకొచ్చింది. తాను కాఫీ లవర్‌ని అని శ్రీజ చెప్పుకొచ్చారు.