మరో టాప్ హీరోపై శ్రీను వైట్ల సెటైర్లు!

శ్రీను వైట్లకి తన సినిమాల్లో ఎవరో ఒక హీరోని లేదా ఇండస్ట్రీకి చెందిన పెద్దల్ని ఇమిటేట్ చేస్తూ స్పూఫ్‌లు చేయించడం అలవాటు. పరోక్షంగా వారి మీద సెటైర్స్ వేస్తూ కామెడి పండిస్తుంటారు. ఇప్పటికే ఇలా చాలా మంది హీరోలను వాడేశారు. ఇప్పుడు తన లేటెస్ట్ మూవీ 'మిస్టర్'లో కూడా ఓ సీనియర్ హీరోని టార్గెట్ చేస్తున్నట్లు సమాచారం. ఇంతకీ ఆ హీరో మరెవరో కాదూ విక్టరీ వెంకటేష్. ఈ సినిమాలో శ్రీను వైట్ల.. కమెడియన్ పృథ్వీ పాత్రకు పెట్టిన పేరు లక్ష్మీతులసి.

లక్ష్మి, తులసి ఈ రెండూ వెంకీ నటించిన బ్లాక్ బాస్టర్ సినిమాలు. ఇప్పుడు ఆ రెండు పేర్లను పృథ్వీ పాత్రకు పెట్టారంటే.. వెంకీ మీద సెటైర్స్ వేయడం ఖాయంగా తెలుస్తోంది. అసలే పేరడీలు, స్పూఫ్‌‌లు చేయడంలో పృథ్వీది అందెవేసిన చేయి. ఇక వెంకీ మీద సెటైర్స్ అంటే చెలరేగిపోతాడేమో! ఇదివరకు బాలకృష్ణ, ఎన్టీఆర్ వంటి హీరోల మీద స్పూఫ్‌లు చేసి అభిమానుల ఆగ్రహానికి గురయ్యారు. ఈ నేపథ్యంలో మరోసారి వెంకీ లాంటి స్టార్ హీరోతో పెట్టుకుంటున్నారు. మరి ఈ వ్యవహారం ఎలాంటి వివాదానికి తెరలేపుతుందో చూడాలి!