శ్రీదేవికి మద్యం సేవించే అలవాటే లేదు.. అసలేం జరిగింది?

శ్రీదేవి భౌతికకాయం అప్పగింతలో జరుగుతున్న జాప్యంపై బాలీవుడ్‌ వర్గాలు, అభిమానులు తీవ్ర అసహనం వ్యక్తం చేస్తున్నారు. శనివారం (ఫిబ్రవరి 24) రాత్రి శ్రీదేవి మరణిస్తే సోమవారం రాత్రికి కూడా భౌతికకాయం ముంబైకి చేరుకోకపోవడంపై ఆవేదన వ్యక్తం చేస్తున్నారు. మరోవైపు.. శ్రీదేవి మృతిపై రాజ్యసభ ఎంపీ అమర్‌ సింగ్‌ అనుమానం వ్యక్తం చేశారు. అసలు ఆమెకు మద్యం సేవించే అలవాటే లేదని ఆయన తెలిపారు. అలాంటప్పుడు శ్రీదేవి రక్త నమునాల్లో మద్యం అవశేషాలు ఎలా ఉంటాయని ఆయన ప్రశ్నించారు.

శ్రీదేవి మృతిపై లోతైన విచారణ చేపట్టాలని అమర్ సింగ్ అన్నారు. కొన్ని సందర్భాల్లో ఆమె వైన్‌ మాత్రం తీసుకునేవారని ఆయన తెలిపారు. ‘శ్రీదేవి మృతి ఘటనపై అబుదాబి యువరాజు షేక్‌ మహమ్మద్‌ బిన్ జాయెద్‌ అల్‌ నహ్యాన్తో మాట్లాడా. ఫార్మాలిటీలన్నీ పూర్తి చేసి ఆమె భౌతికకాయాన్ని భారత్‌కు పంపిస్తామని హామీ ఇచ్చారు’ అని అమర్ సింగ్ చెప్పారు.