అల్లు శిరీష్ అక్కా అక్కాని పిలుస్తాడంటున్న లావణ్య త్రిపాఠి

అల్లు శిరీష్, లావణ్య త్రిపాఠి జంటగా గీతా ఆర్ట్స్ బ్యానర్ పతాకంపై దర్శకుడు పరుశురాం తెరకెక్కిస్తున్న ఫ్యామిలీ డ్రామా చిత్రం 'శ్రీరస్తు శుభమస్తు'. అల్లు అరవింద్ ఈ చిత్రాన్ని నిర్మించారు. ఎస్. ఎస్ థమన్ సంగీతం అందించారు. ఈ చిత్రం ఆడియో నేరుగా మార్కెట్లో విడుదలైంది. పాటలకు మంచి రెస్పాన్స్ వస్తోంది. తాజాగా 'శ్రీరస్తు.. శుభమస్తు' థియేట్రికల్ ట్రైలర్ ను విడుదల చేశారు. ట్రైలర్ డిఫెరెంట్ గా ఉంది. ముఖ్యంగా లావణ్య తిపాఠి క్యారెక్టరైజేషన్ చాలా కొత్తగా కనిపిస్తుంది. హీరోని చూపిస్తూ 'నాకు అన్నయ్య అవుతాడు.. తమ్ముడు అవుతాడు.. అక్కాఅక్కా అని పిలుస్తాడు'. అని హీరోయిన్ చెప్పటం, అందంగా కనిపించే అమ్మాయి మంచిదో, చెడ్డదో తెలీదు అని డైలాగ్స్ ఉండటం లాంటి సీన్స్ చూస్తే హీరోయిన్ క్యారెక్టర్ కి మంచి డెప్త్ ఇచ్చినట్లు కనిపిస్తుంది. కాగా, ఆగష్టు 5న 'శ్రీరస్తు.. శుభమస్తు' సినిమా ప్రేక్షకుల ముందుకు రానుంది.