అతడి వల్లే 'బాహుబలి' సాధ్యపడిందన్న జక్కన్న

బాహుబలి సినిమా... అన్ని సినిమాల్లాగే ఇదో సినిమా అని అనుకోవడం కన్నా ఇదో యజ్ఞం లాంటిదని అనుకోవచ్చు అని ఆ సినిమాకు పనిచేసినవాళ్లు తరచుగా చెబుతుంటారు. అది నిజమేనని తాజాగా డైరెక్టర్ ఎస్.ఎస్. రాజమౌళి చేసిన వ్యాఖ్యలు నిరూపిస్తున్నాయి. తాజాగా బాహుబలి-2 ఐమాక్స్ వెర్షన్ పోస్టర్ విడుదల సందర్భంగా మీడియాతో మాట్లాడిన జక్కన్న.. కేవలం ప్రభాస్ కమిట్‌మెంట్ వల్లే బాహుబలి మూవీ సాధ్యపడిందన్నారు.

'అన్ని సినిమాలకన్నా ఇది భిన్నమైనదని ప్రభాస్ నమ్మాడు. అంతేకాకుండా నాపై వున్న నమ్మకంతో తన జీవితంలో విలువైన మూడున్నర సంవత్సరాలు 'బాహుబలి' కోసం కేటాయించాడు. కేవలం సమయం వెచ్చించడమేకాకుండా సినిమా పట్ల ఎంతో ప్యాషన్, కమిట్‌మెంట్ చూపించాడు ప్రభాస్. ప్రభాస్ కాకుండా అతడి స్థానంలో ఇంకెవ్వరున్నా అంతలా ఇన్‌వాల్వ్ అయ్యేవారని నాకు అనిపించడంలేదు' అని ప్రభాస్‌పై ప్రశంసలు గుప్పించారు జక్కన్న.