ఖైదీ నం.150 ప్రీ రిలీజ్ ఫంక్షన్‌లో తొక్కిసలాట

చిరంజీవి నటించిన 150వ చిత్రం ఖైదీ నం.150 ప్రీ రిలీజ్ ఫంక్షన్ గుంటూరు లో హట్టహసంగా జరిగింది. దాదాపు తొమ్మిదేళ్ల తర్వాత చిరంజీవి సినిమాల్లో నటించడంతో రాష్ట్రవ్యాప్తంగా అభిమానులు ఈ వేడుకకు భారీ సంఖ్యలో హాజరయ్యారు.

మధ్యాహ్నాం మూడు గంటల నుంచే వేడుక నిర్వహించని హాయ్ ల్యాండ్ కు అభిమానుల పెద్ద ఎత్తున తరలివచ్చారు. బారీకేడ్లు తోసేసుకుంటూ వేదికకు అతి సమీపంలోకి వచ్చేశారు. చిరంజీవి మాట్లాడటం ప్రారంభించగానే...వేదికకు దగ్గరలో ఉన్న అభిమానులు ఇంకాస్త దగ్గరకు వెళ్లాలన్న ఆతృతలో ఒకరినొకరు తోసుకున్నారు. ఈ క్రమంలో అక్కడ తొక్కిసలాట చోటు చేసుకుంది. ఈ తొక్కిసలాటలో పలువురు అభిమానులు తీవ్రంగా గాయపడ్డారు. గాయపడ్డవారిని వెంటనే ఆసుపత్రికి తరలించారు.

వాలంటీర్లు, పోలీసు బందోబస్తు సరిగ్గా ఏర్పాటు చేసుకోకపోవడం వల్లే తొక్కిసలాట జరిగిందని కొంతమంది అభిమానులు ఆవేదన వ్యక్తం చేశారు.