Kanal Kannan: ఫైట్‌ మాస్టర్‌ కణల్‌ కన్నన్‌ వివాదాస్పద వ్యాఖ్యలు.. పుదుచ్చేరికి పరార్, పట్టుకొచ్చిన పోలీసులు

దేవుడిపై నమ్మకం లేదని ఉద్ఘటించే పెరియార్ విగ్రహాన్ని కూల్చివేయాలంటూ వివాదాస్పద వ్యాఖ్యలు చేసిన సినీ స్టంట్ మాస్టర్‌ కణల్‌ కన్నన్‌‌ (Kanal Kannan)ను పోలీసులు అరెస్ట్ చేశారు. పుదుచ్చేరిలో సోమవారం చెన్నై సెంట్రల్‌ క్రైమ్‌ బ్రాంచ్‌ పోలీసులు అరెస్ట్ చేసి చెన్నైకు తీసుకువచ్చారు. శ్రీరంగంలోని శ్రీరంగ‌నాధ దేవాలయం బయట నెల‌కొల్పిన పెరియార్ విగ్రహాన్ని ధ్వంసం చేయాలంటూ ఆయన గత నెల 31న పిలుపునివ్వగా.. పలువురు భక్తులు ఆగ్రహం వ్యక్తం చేశారు. ఆయనపై పోలీసులకు ఫిర్యాదు చేశారు.

అప్పటి నుంచి కణల్‌ కన్నన్‌‌ పరారీలో ఉన్నారు. కోర్టులో ముందస్తు బెయిల్ కోసం పిటిషన్ దాఖలు చేయగా.. కోర్టు తిరస్కరించింది. పుదుచ్చేరిలో ఉన్నట్లు సమాచారం అందుకున్న పోలీసులు.. అక్కడికి వెళ్లి ఆయనను అదుపులోకి తీసుకున్నారు. సెంట్రల్‌ క్రైమ్‌ బ్రాంచ్‌ పోలీసులు అరెస్ట్ చేసి చెన్నైకు తరలించారు.

మధురవాయిల్‌లో హిందువుల పరిరక్షణ కోసం హిందూ మున్నని సమాఖ్య ఓ కార్యక్రమం నిర్వహించింది. ఈ సంఘానికి అధ్యక్షుడిగా ఉన్న కణల్‌ కన్నన్‌ పాల్గొని.. దేవుడిపై నమ్మకం లేని పెరియార్‌ విగ్రహాన్ని ధ్వంసం చేయాలంటూ వివాదానికి తెరతీశారు. ఆయన చేసిన వ్యాఖ్యలు తమిళనాడు వ్యాప్తంగా కలకలం రేపాయి. కణల్‌ కన్నన్‌ చేసిన వ్యాఖ్యలపై ఆగ్రహం వ్యక్తం చేస్తూ.. తంతి పెరియార్ ద్రవిడార్ కజగం కార్యకర్తలు పోలీసులకు ఫిర్యాదు చేశారు. ఆయన చేసిన వ్యాఖ్యలకు సంబంధించిన వీడియోలను కూడా సమర్పించారు. కేసు నమోదు చేసిన దర్యాప్తు చేపట్టిన పోలీసులు కణల్‌ కన్నన్‌‌ను అరెస్ట్ చేశారు.