Suchi Leaks.. అనిరుధ్‌తో ఆండ్రియా ఘాటు ముద్దులు, తప్పేం ఉందన్న బ్యూటీ

చిత్ర పరిశ్రమలో సుచిలీక్స్ పెను దమారమే రేపింది. 2017లో తమిళ సింగర్ సుచిత్ర ట్విట్టర్ అకౌంట్ నుంచి పలువురు నటీనటులు, సినీ ప్రముఖులు నగ్న చిత్రాలు, ప్రైవేటు ఫొటోలు ఒక్కొక్కటిగా బయటకు రావడంతో చిత్ర సీమలో కలకలం రేగింది. కోలీవుడ్ వర్గాలను సుచిలీక్స్‌తో దడదడలాడించిన గాయని సుచిత్ర కనుమరుగయ్యారు. ఆమె మానసిక స్థితి సరిగా లేదని.. ఆమె ట్విట్టర్ అకౌంట్ హ్యాక్ అయ్యిందని.. ఆమె కిడ్నాప్‌కి గురైందని ఇలా చాలా వార్తలు అప్పట్లో హాట్ టాపిక్ అయ్యాయి.

ధనుష్, అమలాపాల్, త్రిష, రానా, హన్సిక, అనిరుధ్, చిన్మయి, ఆండ్రియా, దివ్యదర్శిని, ఆండ్రియాలతో పాటు మరి కొందరి సినీ ప్రముఖుల రాసలీలలు సుచిలీక్స్ ద్వారా బయటపడటంతో దేశమంతా షాక్ అయ్యింది. అయితే ఇవి కుట్రపూరితంగా జరిగిందని.. సన్నిహితంగా ఉన్న ఫొటోలను మార్ఫింగ్ చేసి తప్పుగా చూపించారంటూ అప్పట్లో ఈ లిస్ట్‌లో ఉన్న నటీనటులు క్లారిటీ ఇచ్చారు.

అయితే అప్పట్లో తమిళ సంచలన దర్శకుడు అనిరుధ్‌తో సింగర్, గాయని ఆండ్రియా లిప్ లాక్ చేస్తూ రొమాన్స్‌లో తేలియాడుతున్న ఫొటోలు వీడియోలు వైరల్ కాగా.. గడిచిన ముద్దు ముచ్చట్ల వ్యవహారం చాలా ఏళ్ల తరవాత ఓపెన్ అయ్యారట నటి ఆండ్రియా. అనిరుధ్ రొమాన్స్ చేస్తూ ముద్దు ముచ్చట్లను తీర్చుకున్నది నిజమేనని.. ఆ ఫొటోల్లో ఉన్నది తామే అని ఓపెన్ అయ్యారు.. అయితే అప్పుడు అనిరుధ్‌లో రిలేషన్‌లో ఉన్నానని ముద్దు పెట్టుకోవడంలో తప్పేం ఉందని బోల్డ్ కామెట్స్ చేశారు ఆండ్రియా. ఇక ఆ ఫొటోలు లీక్ కావడం ఆశ్చర్యానికి గురిచేసిందని.. దానిపై అనిరుధ్ తనకు క్షమాపణ చెప్పాడంటూ నాటి ముద్దు ముచ్చట్లను గుర్తుచేసుకున్నారు ఆండ్రియా.