సల్మాన్ సినిమాలో విలన్‌గా సౌతిండియన్ స్టార్ హీరో

సల్మాన్ ఖాన్, కత్రినా కైఫ్ జంటగా తెరకెక్కనున్న 'టైగర్ జిందా హై' మూవీలో ఓ సౌతిండియన్ స్టార్ హీరో విలన్ పాత్ర పోషించనున్నాడని ఊహాగానాలు వినిపిస్తున్నాయి. ఆ స్టార్ హీరో ఎవరో కాదు... ఈగ సినిమాలో విలన్‌గా నటించి నంది అవార్డ్ కైవసం చేసుకోవడంతోపాటు బాలీవుడ్ పరిశ్రమ కంట్లో పడిన కన్నడ స్టార్ సుదీప్ కిచ్చనే.

అలీ అబ్బాస్ జఫర్ డైరెక్ట్ చేయనున్న ఈ యాక్షన్ మూవీకి సుదీప్‌ని విలన్‌గా ఎంపిక చేసుకోవాలని మేకర్స్ ప్లాన్ చేస్తున్నారు. అయితే, సుదీప్ మాత్రం ఇంకా ఈ సినిమాకు సైన్ చేయలేదని సమాచారం. ఒకవేళ సుదీప్ ఈ సినిమాలో నటిస్తే, ఆరేళ్ల తర్వాత సుదీప్ మళ్లీ బాలీవుడ్‌లో తన లక్ చెక్ చేసుకోబోతున్నట్టే అవుతుంది.