Sudheer Babu: అప్పటివరకు వెయిట్ చేయలా..? ఇదిగో ఇక్కడ హింట్ ఇస్తున్నా..: కృతి శెట్టి

బాక్సాఫీసు వద్ద మినిమం గ్యారంటీ హీరోగా సుధీర్ బాబు (Sudheer Babu)కు పేరుంది. 'ఆ అమ్మాయి గురించి మీకు చెప్పాలి' (Aa Ammayi Gurinchi Meeku Cheppali) అనే సినిమాతో ఆడియన్స్ ముందుకు రానున్నాడు. మోహన కృష్ణ ఇంద్రగంటి (Mohanakrishna indraganti) డైరెక్షన్‌లో తెరకెక్కిన ఈ మూవీలో బేబమ్మ కృతి శెట్టి (Krithi Shetty) హీరోయిన్‌గా యాక్ట్ చేస్తోంది. ఇప్పటికే రిలీజ్ అయిన ఫస్ట్ లుక్, టీజర్ సినీ ప్రియులను ఆకట్టుకుంది. దీంతో ఈ సినిమా విడుదల డేట్ కోసం ఆసక్తిగా ఎదురుచూస్తున్న తరుణంలో సెప్టెంబర్ 16న థియేటర్స్‌లో సందడి చేస్తున్నట్లు మూవీ మేకర్స్ ప్రకటించారు. ముందుగా ఈ మూవీ గురించి కమెడియన్ రాహుల్ రామకృష్ణ (Rahul Ramakrishna) అప్‌డేట్ ఇచ్చాడు. 'సార్ సుధీర్ గారు చాలా రోజులుగా ఒక చెప్తానని మీరు అంటున్నారు. ఇంకేప్పుడు చెప్తారండి..? నేను అయితే ఆడియన్స్‌కు ఒక హింట్ ఇస్తున్నా.. వచ్చే నెల చెప్పేస్తారు మీరు.. ఇప్పుడు నువ్వే వెన్నెల కిషోర్ కాకా..' అంటూ పోస్ట్ చేశాడు.

దీనికి వెన్నెల కిషోర్ (Vennela Kishore) స్పందిస్తూ.. 'చెప్పేస్తాడు లే.. నేను కూడా నా కంట్రిబ్యూషన్‌గా ఒక హింట్ ఇస్తున్నా. వచ్చే నెల సెకాండాఫ్‌లో.. తరువాత ఆ అమ్మాయి, ఆ అమ్మాయి గురించి చెప్పే అబ్బాయి హింట్ ఇస్తాడు..' ట్వీట్ చేశాడు.


తరువాత కృతి శెట్టి రిప్లై ఇస్తూ.. 'వచ్చే నెల సెకండాఫ్ వరకు వెయిట్ చేయలా..? ఇక్కడ నేను కూడా ఒక హింట్ ఇస్తున్నా.. నెక్ట్స్ మంత్ సెకండాఫ్‌లో వచ్చే ఫస్ట్ డేట్.. సుధీర్ బాబు గారు ఇప్పుడు మీ వంతు..' అంటూ ట్వీట్ చేసింది.

ఆ తరువాత సుధీర్ బాబు స్పందిస్తూ.. 'ఆ అమ్మాయి గురించి మీకు డైరెక్ట్‌గా థియేటర్స్‌లోనే చెప్తా. ఆ అమ్మాయి అడిగిన తేదీకే చెప్తా. వచ్చే నెల సెకండాఫ్‌లో ఫస్ట్ డే వస్తున్నాం. థియేటర్స్‌లో మాతో చేరండి..' అంటూ కృతి శెట్టికి రిప్లై ఇచ్చాడు. ఆ తరువాత 'అనగనగా ఒక అమ్మాయి.. మిగతా కథ, మా ఇద్దరి కథ.. ఈ అబ్బాయి సెప్టెంబరు 16న చెబుతాడు' అంటూ మూవీ రిలీజ్ డేట్‌ను ప్రకటించాడు సుధీర్ బాబు.