కన్నడ రెబల్ స్టార్, మాజీ మంత్రి అంబరీష్ (66) మృతి దక్షిణాది సినీ పరిశ్రమలో పెను విషాదం నింపిన విషయం తెలిసిందే. అయితే నేడు తమ పెళ్లిరోజును పురస్కరించుకుని అంబరీష్ భార్య, నటి సుమలత భావోద్వేగంతో సోషల్ మీడియాలో వరుస పోస్ట్లు చేశారు. బరుదెక్కిన హృదయంతో భర్తకు పెళ్లిరోజు శుభాకాంక్షలు చెప్పారు తెలుగింటి ఆడపడుచు సుమలత. ‘27 ఏళ్ల తమ వైవాహిక జీవితంలో తొలిసారిగా నువ్వు నా పక్కన లేవు. కానీ నువ్వే నా ప్రపంచమంటూ’ గతంలో భర్త అంబరీష్తో గడిపిన మధురక్షణాల్లో దిగిన ఫొటోలను షేర్ చేసుకున్నారు.
‘ప్రియమైన అంబరీష్.. నేడు డిసెంబర్ 8.. 27 ఏళ్ల వైవాహిక జీవితంలో తొలిసారి ఈ రోజున నువ్వు నా పక్కన లేవు. నా ప్రపంచమే నువ్వు. నా చేయి పట్టుకుని నడిపించావు. నీ ప్రేమను అందించావు’.
‘నువ్వు ఎక్కడున్నా.. నా మనసును, నా హృదయాన్ని నువ్వే నడిపిస్తున్నావు. 27 ఏళ్ల కిందట నా జీవితం ప్రారంభమైనట్లు అనిపించింది. నువ్వు నీ ప్రేమకు ఎప్పుడూ ముసుగు వేయలేదు. అదే ప్రేమ నన్ను కాపాడుతుంది’.
‘చలిలో నాకు వెచ్చదనం ఇచ్చావు, ఎండాకాలం, వానాకాలంలో నాకు గొడుగు అయ్యావు. నువ్వు ఇంకా నా కోసం చూస్తున్నావని తెలుసు. మన అబ్బాయి గురించి మీరు బాధపడుతుంటారు. ఇప్పటికీ మీరు నా బాగోగులు చూసుకుంటున్నారు. నీ ప్రేమ ఏదో ఓ రూపంలో మాకు చేరుతుంది’
‘నన్ను, అబ్బాయి అభిషేక్ను ఆశీర్వదించు. బద్ధలైన నా గుండె పరిస్థితులను తట్టుకుని ముందుకుసాగాలంటే మాకు నీ నుంచి బలం కావాలి. నీ ప్రేమే నన్ను బతికిస్తోంది. నీ ఆదర్శాలతో ముందుకు సాగుతా. మీ పేరు నిలబెట్టేందుకు నిరంతం ప్రయత్నిస్తా’.
‘నువ్వు ఇచ్చిన స్ఫూర్తితో, 27 ఏళ్తు జీవితాన్ని పంచుకున్నానన్న ధీమాతో ముందుకు సాగుతాను. మీరు సామాన్య వ్యక్తి కాదు. సింహం లాంటి వారు. కోటికొక్కరు నీలాంటి వారు ఉంటారు. మీరు ఎల్లప్పుడూ నాతో ఉంటారు. మేం మెరుగ్గా ఉండేలా చూడు. పెళ్లిరోజు శుభాకాంక్షలు’ అంటూ సుమలత వరుస ట్వీట్లలో భర్తలేని లోటును, అదే సమయంలో అంబరీష్పై ఉన్న ప్రేమను వ్యక్తం చేశారు.
Read: కొడుకు తెరంగేట్రం చూడకముందే తిరిగిరాని లోకాలకు
Read: ఏడేళ్ల ప్రయాణం ప్రేమగా.. మీడియా తీరు బాధించింది: సుమలత
Read: అంబరీష్కు రెండేళ్ల నుంచే మృత్యుభయం.. జ్యోతిషుల సలహాతో పూజలు
Read: కొడుకు తెరంగేట్రం చూడకముందే తిరిగిరాని లోకాలకు
Read: ఏడేళ్ల ప్రయాణం ప్రేమగా.. మీడియా తీరు బాధించింది: సుమలత
Read: అంబరీష్కు రెండేళ్ల నుంచే మృత్యుభయం.. జ్యోతిషుల సలహాతో పూజలు