సందీప్ కిషన్, మెహరీన్‌ల రొమాన్స్

కృష్ణవంశీ దర్శకత్వంలో 'నక్షత్రం' సినిమాలో నటిస్తున్న హీరో సందీప్ కిషన్ ఇప్పుడు మరో ద్విభాషా చిత్రానికి కూడా గ్రీన్ సిగ్నల్ ఇచ్చాడు. సందీప్ కిషన్, మెహరీన్ కౌర్ పిర్జాదా (కృష్ణగాడి వీరప్రేమగాథ ఫేమ్' జంటగా సుసీంధరన్ దర్శకత్వంలో తమిళ- తెలుగు భాషల్లో ఓ సినిమా తెరకెక్కుతోంది. 'నా పేరు శివ' లాంటి థ్రిల్లర్ మూవీ తర్వాత సుసీంధర్ నుంచి రాబోతున్న మరో థ్రిల్లర్ మూవీ ఇది. ఈ సినిమాకి ఇంకా టైటి పెట్టలేదు. థమన్ మ్యూజిక్ అందిస్తున్నారు. 'స్వామి రారా', 'మోసగాళ్లకు మోసగాడు' సినిమాలను నిర్మించిన చిక్రి చిగురుపాటి ఈ సినిమాకు నిర్మాతగా వ్యవహరిస్తున్నారు.



చిత్ర దర్శకులు సుసీంధరన్ మాట్లాడుతూ.. 'నా పేరు శివ' తరహాలోనే సాగే ఫ్యామిలీ యాక్షన్ ఎంటర్‌టైనర్‌గా ఈ సినిమా కూడా ఉంటుంది. మంచి కథ-కథనాలతోపాటు సందీప్ కిషన్, మెహరీన్ లాంటి మంచి నటులు, చక్రి చిగురుపాటి వంటి అద్భుతమైన నిర్మాత తోడవ్వడంతో మంచి ఔట్‌పుట్ వస్తుందనడంలో ఎటువంటి సందేహం లేదు. తెలుగు-తమిళ భాషల్లో ఏకకాలంలో బైలింగువల్‌గా తెరకెక్కనున్న ఈ చిత్రాన్ని ఎక్కడా కాంప్రమైజ్ అవ్వకుండా భాషకు తగ్గట్లు వేరువేరుగా చిత్రీకరణ జరపనున్నాం.

డిసెంబర్ నుంచి రెగ్యులర్ షూటింగ్ ప్రారంభమయ్యే ఈ సినిమా చిత్రీకరణను జనవరి లేదా ఫిబ్రవరిలో పూర్తి చేసి ఏప్రిల్ లేదా మే నెలలో చిత్రాన్ని ప్రేక్షకుల ముందుకు తీసుకువచ్చేందుకు సన్నాహాలు చేస్తున్నాం. ' అని పేర్కొన్నారు.