Next Enti Movie: ‘నెక్ట్స్ ఏంటి’ ట్విట్టర్ రివ్యూ.. మిల్కీ బ్యూటీ మాయ చేసిందా!

మిల్కీ బ్యూటీ తమన్నా, యంగ్ హీరో సందీప్ కిషన్ హీరో హీరోయిన్లుగా నటించిన రొమాంటిక్ ప్రేమ కథా చిత్రం ‘నెక్స్ట్ ఏంటి’. తమన్నా, సందీప్ కిషన్ జంటగా నటించడం ఇదే తొలిసారి. దీనికి తోడు నవదీప్ ఈ చిత్రంలో ప్రత్యేక పాత్రలో కనిపించనున్నారు. శరత్ బాబు, పూనమ్ కౌర్, లారిసా తదితరులు ఇతర పాత్రల్లో నటించారు. డిసెంబర్ 7న విడుదలవుతోన్న సినిమాల్లో ‘నెక్ట్స్ ఏంటి’ రొమాంటి లవ్ ఎంటర్‌టైనర్ కావడంతో చాలా మంది దృష్టి దీనిపైనే పడింది. ట్రైలర్ కూడా ఆసక్తికరంగా ఉండటంతో లవ్‌స్టోరీలను ఇష్టపడే ప్రేక్షకులు ఈ సినిమా కోసం ఆసక్తిగా ఎదురుచూస్తున్నారు.

మరోవైపు.. బాలీవుడ్‌లో ‘ఫనా’, ‘హమ్ తుమ్’ లాంటి విజయవంతమైన ప్రేమకథా చిత్రాలను రూపొందించిన దర్శకుడు కునాల్ కోహ్లీ ‘నెక్ట్స్ ఏంటి’ని తెరకెక్కించడంతో అర్బన్ ఏరియాలో ఈ సినిమాపై అంచనాలు ఏర్పడ్డాయి. సచిన్ జోషి భార్య రైనా జోషి, అక్షయ్ పూరిలు సంయుక్తంగా ఈ సినిమాను నిర్మించారు. లియోన్ జోన్స్ సంగీతం సమకూర్చారు. మనీష్ చంద్ర భట్ సినిమాటోగ్రఫీ అందించారు. గోపు కిషోర్ రెడ్డి మాటలు రాశారు. ఇదిలా ఉంటే, ఈ సినిమాపై ఇప్పటికే ట్విట్టర్‌లో రివ్యూల కోసం వెతుకులాట మొదలైపోయింది. ఈ సినిమాపై ట్విట్టర్‌లో ప్రేక్షకుల స్పందన ఎలా ఉందో చూద్దాం..