ఎటిఎం నాట్ వర్కింగ్.. కాని అందులో

ప్రధాని నరేద్రమోడీ తీసుకున్న నోట్లరద్దు అంశంతో చాలా వరకూ ఎటిఎం సెంటర్లు పనిచేయకుండా పోయాయి. ఏ.. ఎటిఎం సెంటర్ చూసినా ‘ఎటిఎం’ నాట్ వర్కింగ్ అంటూ బోర్డ్‌లు దర్శనం ఇస్తూ కనిపించాయి. అయితే ఆ ఎటిఎం సెంటర్లలో అసలు పని జరగడం లేదు కాని అసభ్యకార్యకలాపాలు జరుగుతున్నట్లు సోషల్ మీడియాలో అనేక వీడియోలు ప్రత్యక్షం అయ్యాయి. ఇప్పుడు అదే అంశాన్ని బేస్ చేసుకుని టాలీవుడ్‌లో ‘ATM not working’ ఇది పచ్చి తెలుగు సినిమా కాప్షన్‌తో ఓ సినిమా రాబోతోంది.

ఇటీవల ఈ చిత్ర టీజర్‌ని రిలీజ్ చేసిన యూనిట్ తాజాగా మరో పోస్టర్‌ని రిలీజ్ చేసింది. ఈ పోస్టర్‌లో ఎటిఎం బయట నాట్ వర్కింగ్ బోర్డ్ పెట్టి లోపల రాసలీలలు సాగిస్తున్నట్టు ఉండటంతో ఆసక్తిరేపుతోంది. నోట్ల రద్దు అంశాన్ని బేస్ చేసుకుని వస్తోన్న తొలి ఇండియన్ సినిమా ఇదే అని నిర్మాతలు చెబుతున్నారు. సునీల్ కుమార్ రెడ్డి దర్శకత్వం వహిస్తున్న ఈ చిత్రం పూర్తి ఎంటర్టైన్ మెంట్‌తో ప్రేక్షకులను అలరిస్తోందని యూనిట్ తెలుపుతోంది.