సన్నీలియోనీకి అరుదైన గౌరవం

సన్నిలియోని హవా రోజు రోజుకు పెరిగిపోతోంది. దేశవ్యాప్తంగా కోట్లాది మంది అభిమానులను సంపాదించుకున్న ఈ మాజీ పోర్న్ స్టార్ ఇప్పుడు పాపులారిటీలో మిగతా హీరోయిన్లను దాటిపోయింది. ఈ ముద్దుగుమ్మను చూసేందుకు కేరళలో అభిమానులు ఎలా పోటెత్తారో చూసి ముక్కున వేలేసుకోవడం మిగతా హీరోయిన్ల వంతు అయింది. యమ క్రేజ్ సంపాదించుకున్న ఈ ముద్దుగుమ్మను ప్రఖ్యాత 'మేడమ్ టుస్సాడ్' మ్యూజియం గుర్తించింది.

అచ్చం సన్నిలియోనీని పోలిన మైనపు బొమ్మను తమ మ్యూజియంలో పెట్టేయాల్సిందే అని నిర్ణయానికి వచ్చేసింది. సన్నీ కూడా ఒప్పుకోవడంతో పని ప్రారంభించేసింది. చక చకా భారత్ కు వచ్చేసి సన్నీ కొలతలు తీసుకొంది. సన్నీ కింది నుంచి పై వరకు మొత్తం 200 కొలతలు తీసుకుంది. మరికొన్ని రోజుల్లో సన్నీని పోలిన మైనపు బొమ్మ రాబోతోందోచ్...