పోర్న్‌‌స్టార్ సన్నీ... అనుష్కను కాపీ కొట్టిందే!

పోర్న్‌స్టార్, ఐటమ్ బాంబ్ సన్నీలియోన్ వీరనారిగా కత్తి తిప్పేందుకు ‘వీరమహాదేవి’ అంటూ తెలుగు ప్రేక్షకుల ముందుకు వచ్చేస్తోంది. ఇటీవల ఈ మూవీ రెగ్యులర్ షూటింగ్‌ను చెన్నైలో కొబ్బరికాయ కొట్టి ఓపెన్ చేసింది సన్నీ.. తాజాగా ఫస్ట్‌లుక్ పోస్టర్‌ను విడుదల చేసింది. కత్తి, విల్లు పట్టుకుని ఉన్న ఈ పోస్టర్‌లో సన్నీలియోన్.. ‘రుద్రమదేవి’ సినిమాలో అనుష్కను జిరాక్స్ కాపీ దింపేసింది. కత్తి పట్టి వీరత్వం, రౌద్రం, పౌరుషం ఎంత పలికించాలని ట్రై చేసినా వీరనారిగా మాత్రం సన్నీ పెద్దగా సెట్ కాలేదనే అభిప్రాయం ఎక్కువగా వినిపిస్తుంది.

ఇటీవల రాజశేఖర్ నటించిన గరుడవేగ మూవీలోనూ ‘డియో.. డియో’ అంటూ ఐటమ్ బాంబ్ పేల్చిన సన్నీ.. కత్తి పట్టి విన్యాసాలు చేస్తుంటే ప్రేక్షకుడు పాత మెమొరీస్‌ నుండి కాస్త తేలుకోవడం సమయం పడుతుందనే చెప్పాలి. అందుకేనేమో తమిళ తంబీలు ఇలాంటి పాత్రలు సన్నీ చేయడం ఏంటంటూ నిరసన వ్యక్తం చేసినా సన్నీ మాత్రం వెనక్కి తగ్గడం లేదు. తమిళ దర్శకుడు వడివుడైయన్ దర్శకత్వంలో తెలుగు, తమిళ భాషల్లో ఏకకాలంలో తెరకెక్కిస్తున్న ‘వీర మహాదేవి’ తమిళంలో ఈ మూవీని ‘వీరమదేవి’గా తెరకెక్కుతోంది.