చిరు కొత్త స్టిల్‌కు సూపర్ క్రేజ్!

'ఖైదీ నెంబర్ 150' సినిమా రిలీజ్ డేట్ దగ్గర పడుతున్న కొద్దీ సినిమాపై ప్రేక్షకుల్లో ఆసక్తి మరింత పెరుగుతోంది. వారి అంచనాలు మరింత పెంచే విధంగా సినిమాకు సంబంధించి రోజుకో పోస్టర్‌ను విడుదల చేస్తోంది చిత్రబృందం. తాజాగా చిరు పోస్టర్ ఒకటి రిలీజ్ చేశారు. ఈ పోస్టర్‌లో చిరు మరింత యంగ్‌గా కనిపిస్తున్నారు. టీషర్ట్, జీన్స్‌తో ఆయన ఇచ్చిన పోజ్ ఇప్పుడు సోషల్ మీడియాలో వైరల్ అవుతోంది.

ఆరు పదుల వయసు దాటినా.. ఆయన ఈ సినిమా కోసం ఇంత యంగ్‌గా కనిపించడం సినిమా పట్ల ఆయనకున్న అంకితభావాన్ని తెలియజేస్తోంది. ఆయన ఇంత యంగ్‌గా కనిపించడం వెనుక చిరు పెద్ద కూతురు సుస్మిత పాత్ర కూడా ఉంది. ఈ సినిమాకు ఆమె కాస్ట్యూమ్ డిజైనర్‌గా పని చేస్తోంది. చిరు ఇంత అందంగా కనిపించడం వెనుక ఆమె కృషి కూడా ఎంతో ఉంది. దీనికి గానూ ఎంతోమంది ఆమెను ప్రశంసలతో ముంచెత్తుతున్నారు. ఇప్పటికే ఈ సినిమా బిజినెస్ ఊపందుకుంది. ఓవెర్సీస్ రేట్ అయితే భారీగా పలికింది. మరి రిలీజ్ అయిన తరువాత ఇంకెన్ని రికార్డులు సృష్టిస్తుందో చూడాలి!