ఆయన లేకపోతే కెమేరా ముందుకెళ్లలేను: మహేష్ బాబు

సింప్లిసిటీకి మారుపేరు సూపర్ స్టార్ మహేష్ బాబు. ఆయన తన కుటుంబాన్నే కాదు.. తనతో మమేకమైన తన స్టాఫ్‌ను కూడా ఎంతగానో ప్రేమిస్తాడు. అందుకే, మహేష్ బాబును అంతగా గౌరవిస్తారు. వివాదాలకు దూరంగా, అందరితో స్నేహంగా ఉండే మహేష్ బాబు. బాల నటుడి నుంచి టాలీవుడ్‌లో మోస్ట్ హ్యాండ్సమ్ హీరోగా ఎదిగిన మహేష్ బాబు.. హీరో కృష్ణ అబ్బాయి అనే ట్యాగ్‌ను తొలగించుకోడానికి చాలానే కష్టపడ్డాడు. తన టాలెంట్‌తో ప్రత్యేకమైన గుర్తింపు తెచ్చుకున్నాడు.

తాను బాల నటుడిగా ఉన్నప్పటి నుంచి తనతోనే జీవితం సాగిస్తున్న వ్యక్తి కోసం ఆయన ఇటీవల గుర్తు చేసుకున్నారు. ‘‘ఆయన లేకపోతే నేను కెమేరా ముందుకు వెళ్లలేను’’ అన్నాడంటే మహేష్ తన సిబ్బందికి ఇస్తున్న గౌరవం అలాంటిది. గత 24 ఏళ్లుగా తనకు మేకప్ మ్యాన్‌గా ఉన్న పట్టాబి గురించి చెబుతూ మహేష్ బాబు తన ఇన్‌స్టాగ్రామ్ అకౌంట్లో ఓ ఫొటో పోస్టు చేశాడు.

‘‘మీ మహేష్ ఓ ఎవర్ గ్రీన్ సూపర్ స్టార్‌తో ఉన్నాడు. ఆయన నాతో 24 ఏళ్లుగా ఉంటున్నాడు. ఆయన లేకుండా నేను కెమేరా ముందుకు వెళ్లలేను. అది మరెవరో కాదు.. మై మ్యాన్ ఇన్ బ్లూ, పట్టాభి’’ అంటూ అలనాటి ఫొటో ఒకటి పోస్ట్ చేశాడు. మహేష్ త్వరలో ‘భరత్ అనే నేను’ సినిమాతో వస్తున్న సంగతి తెలిసిందే.