‘హ్యాపీ బర్త్ డే అమ్మా’.. మహేష్ భావోద్వేగ ట్వీట్

‘భరత్ అనే నేను’ మూవీ విడుదల సందర్భంగా ప్రిన్స్ మహేష్ బాబు చేసిన ట్వీట్ సోషల్ మీడియాలో వైరల్‌గా మారింది. ‘భరత్ అనే నేను’ చిత్రం తనకు ఎంతో ప్రత్యేకమైనదని.. ఎందుకంటే ఈ చిత్రం తన తల్లి జన్మదినం రోజున విడుదల కావడం చాలా ఆనందంగా ఉందంటూ ప్రేక్షకులతో తన అనుభూతిని పంచుకున్నారు.

ఈ సందర్భంగా మహేష్ తల్లి ఇందిర దేవి అపురూపమైన ఫోటోని ట్విట్టర్‌‌లో షేర్ చేస్తూ.. హ్యాపీ బర్త్ డే అమ్మా.. ‘భరత్ అనే నేను’ ఇన్ సినిమాస్ నౌ’.. ‘ఈ ప్రత్యేకమైన రోజున నా హృదయానికి దగ్గరైన సినిమాను అందరి ముందుకు తీసుకురావడం చెప్పలేనంత ఆనందంగా ఉంది అంటూ మహేష్ చేసిన ఎమోషనల్ ట్వీట్ ఆయన అభిమానులను బాగా ఆకట్టుకుంది. దీంతో మహేష్ తల్లికి జన్మదిన శుభాకాంక్షలు తెలియజేస్తూ.. ఇందిర దేవి ఫోటోను విపరీతంగా షేర్ చేస్తుండటంతో వైరల్‌గా మారింది.

కాగా భారీ అంచనాలతో శుక్రవారం థియేటర్స్‌కి వచ్చిన ‘భరత్ అనే నేను’ పాజిటివ్ టాక్‌తో దూసుకుపోతుంది. ఇప్పటికే ప్రిమియర్ టాక్ బయటకు రావడంతో యంగ్ అండ్ డైనమిక్ సీఎం అదరొగొట్టేశాడంటూ మహేష్ ఫ్యాన్స్ ఫుల్ హ్యాపీలో ఉన్నారు.