కూకట్‌పల్లిలో సూపర్‌స్టార్ సందడి.. జనమే జనం..

హైదరాబాద్‌లోని కూకట్‌పల్లిలో 'చెన్నై సిల్క్స్' నూతన షోరూం ఆదివారం (జులై 15) ప్రారంభమైంది. ఈ షోరూంను సూపర్ స్టార్ మహేశ్‌బాబు ప్రారంభించారు. మహేష్‌బాబే చెన్నై సిల్క్స్‌కు బ్రాండ్ అంబాసిడర్‌గా వ్యవహరిస్తున్న సంగతి తెలిసిందే. అయితే మహేష్‌బాబును చూడటానికి ఆయన అభిమానులు పెద్దమొత్తంలో షోరూం దగ్గరకు వచ్చారు. బారిగేడ్లను సైతం లెక్కచేయకుండా ముందుకు వచ్చారు. దీంతో ఒక్కసారిగా తొక్కిసలాట చోటుచేసుకుంది. ఈ ఘటనలో ఓ మహిళ స్పృహ కోల్పోగా, వైద్యం అందించి ఆమెను అక్కడి నుంచి తరలించారు.

ఇక మహేశ్‌బాబు వేదికమీదకు చేరుకోగానే మరోమారు తొక్కిసలాట జరిగింది. దీంతో పలువురు గాయపడ్డారు. స్థానిక ఇన్‌స్పెక్టర్‌ కూడా స్వల్పంగా గాయపడ్డారు. అభిమానులు తాకిడితో జాతీయ రహదారిపై కిలోమీటర్ వరకు ట్రాఫిక్‌కు అంతరాయం కలిగింది.
మరిన్ని చిత్రాల కోసం క్లిక్ చేయండి...undefined
undefined