‘యువర్స్‌ ట్రూలీ మహేష్’: కొత్త ఖాతా ఓపెన్!

టాలీవుడ్‌ సూపర్‌స్టార్‌గా ఉన్న మహేష్ బాబుకి ప్రపంచ వ్యాప్తంగా ఫుల్ ఫాలోయింగ్ ఉంది. ఆయన సినిమాల ద్వారానే కాకుండా ఫేస్‌బుక్, ట్విట్టర్‌లలో యాక్టివ్‌గా ఉంటూ అత్యధిక ఫాలోవర్లు కలిగిన సెలబ్రిటీ అయ్యారు. ట్విటర్ ఖాతా ద్వారా 5.38 మిలియన్‌ మంది, ఫేస్‌బుక్‌లో 5,069,738 మంది ఫాలోవర్లు ఉన్నారు. కాగా సోషల్ మీడియా మాధ్యమాల్లో ఒకటైన ఇన్‌స్టాగ్రామ్‌ ద్వారా ఫ్యాన్స్‌లో టచ్‌లో ఉండేందుకు కొత్త ఇన్‌స్టాగ్రామ్‌ ఖాతాను కూడా తెరిచారు మహేష్ బాబు. ‘యువర్స్‌ ట్రూలీ మహేష్’ పేరుతో ఇన్‌స్టాగ్రామ్‌ ఖాతాను ఓపెన్ చేశారు ప్రిన్స్.

మహేష్ ఇన్‌స్టాగ్రామ్‌ ఖాతా తెరిచిన కొన్ని గంటల్లో దాదాపు ఏడు లక్షల మంది ఫాలోవర్లతో మహేష్ వెరిఫైడ్‌ ఎకౌంట్‌ వచ్చేసింది. ఈ సంఖ్య అంతకంతకూ పెరుగుతుంది. కాగా మహేష్, కొరటాల కాంబినేషన్‌లో వస్తున్న ‘భరత్ అనే నేను’ ఫస్ట్‌లుక్‌ను రిపబ్లిక్ డే సందర్భంగా జనవరి 26న(రేపు) ఈ మహేష్ ఇన్‌స్టాగ్రామ్‌ ఖాతా ద్వారా విడుదల చేస్తుండంతో ‘యువర్స్‌ ట్రూలీ మహేష్’ వెరిఫైడ్‌ ఎకౌంట్‌‌కు ఫాలోవర్ల వరద తప్పదు.

కాగా రేపు ఉదయం 7 గంటలకు విడుదల కానున్న మహేష్ బాబు 24 మూవీ ఫస్ట్‌లుక్ పోస్టర్ కోసం మహేష్ అభిమానులు ఆసక్తితో ఎదురుచూస్తున్నారు. ఈ ఫస్ట్‌లుక్‌కి సంబంధించి విడుదలైన ప్రమోషన్‌ పోస్టర్‌లో మహేష్ ముఖ్యమంత్రిగా ప్రమాణ స్వీకారం చేస్తుండటంతో సినిమాపై అంచనాలు వచ్చేశాయి. ఈ మూవీలో బాలీవుడ్ బ్యూటీ కైరా అద్వాని హీరోయిన్‌గా నటిస్తుండగా.. దేవి శ్రీ ప్రసాద్ సంగీతం అందిస్తున్నారు. ఎనభై శాతం షూటింగ్ పూర్తి చేసుకున్న ఈ చిత్రాన్ని ఏప్రిల్ 27న ప్రేక్షకుల ముందుకు రానుంది.

Get ready to listen to #SSMB24FirstOathOn26Jan pic.twitter.com/lTmYlpAsom — koratala siva (@sivakoratala) January 23, 2018