సూపర్ స్టార్ రజనీకాంత్కి దైవభక్తి చాలా ఎక్కవన్న సంగతి అందరికీ తెలిసిందే. ఆయన రాఘవేంద్రస్వామికి పరమ భక్తుడు. అందుకే వీలు దొరికినప్పుడల్లా కర్నూలు జిల్లాలోని మంత్రాలయం రాఘవేంద్రస్వామిని దర్శించుకుంటూ ఉంటారు. తాజాగా మంగళవారం ఉదయం రజనీకాంత్ మంత్రాలయం వచ్చారు. ముందుగా తుంగభద్ర నదిలో పుణ్యస్నానం ఆచరించి గ్రామదేవత మంచాలమ్మను, రాఘవేంద్రస్వామి మూల బృందావనాన్ని దర్శించుకున్నారు. పీఠాధిపతి సుబుధీంద్ర తీర్థ స్వామీజీని కలిసి ఆయన ఆశీర్వాదం తీసుకున్నారు. స్వామీజీతో కొంతసేపు మాట్లాడారు.
రజనీకాంత్ ఎలాంటి ముందస్తు సమాచారం ఇవ్వకుండానే మంత్రాలయం వచ్చారు. సూపర్స్టార్ రాకతో మఠంలో సందడి నెలకొంది. రజనీతో ఫొటోలు దిగిందేకు అక్కడున్న భక్తులు ఎగబడ్డారు. వ్యక్తిగత బందోబస్తు మధ్య రజనీ మళ్లీ చెన్నై బయలుదేరి వెళ్లారు. కాగా, సినిమాల్లో రజనీకాంత్ రాఘవేంద్ర స్వామి పాత్ర కూడా పోషించారు. ఆయన ప్రధాన పాత్ర పోషించిన ‘రాఘవేంద్ర స్వామి మహత్యం’ సినిమా 1985లో విడుదలైంది. అప్పటి నుంచి రజనీ మంత్రాలయం రాఘవేంద్రుణ్ని దర్శించుకుంటూనే ఉన్నారు. 2012లో మంత్రాలయం మఠానికి రూ.10 కోట్లు విరాళం కూడా ఇచ్చారు.
రజనీకాంత్ ఎలాంటి ముందస్తు సమాచారం ఇవ్వకుండానే మంత్రాలయం వచ్చారు. సూపర్స్టార్ రాకతో మఠంలో సందడి నెలకొంది. రజనీతో ఫొటోలు దిగిందేకు అక్కడున్న భక్తులు ఎగబడ్డారు. వ్యక్తిగత బందోబస్తు మధ్య రజనీ మళ్లీ చెన్నై బయలుదేరి వెళ్లారు. కాగా, సినిమాల్లో రజనీకాంత్ రాఘవేంద్ర స్వామి పాత్ర కూడా పోషించారు. ఆయన ప్రధాన పాత్ర పోషించిన ‘రాఘవేంద్ర స్వామి మహత్యం’ సినిమా 1985లో విడుదలైంది. అప్పటి నుంచి రజనీ మంత్రాలయం రాఘవేంద్రుణ్ని దర్శించుకుంటూనే ఉన్నారు. 2012లో మంత్రాలయం మఠానికి రూ.10 కోట్లు విరాళం కూడా ఇచ్చారు.