'కబాలి' ట్విటర్ ఎకౌంట్ హ్యాక్ అయింది

కబాలి సినిమాతో సూపర్ స్టార్ రేంజ్ కూడా దాటిపోయిన తమిళ తళైవా రజినీకాంత్ సైబర్ క్రైమ్ బాధితులయ్యారు. మంగళవారం హిట్‌టుకిల్(HitToKill)అని రజినీకాంత్ ట్వీట్ చేయడం చూసి ఆయన ఫాలోవర్స్, ఫ్యాన్స్ షాకయ్యారు. రజినీ ఇలా ఎందుకు ట్వీట్ చేశారబ్బా అని ఆలోచనలోపడ్డారు.. రజినీ ఎకౌంట్ ద్వారా ట్వీట్ చేయడంతో కాసేపట్లోనే ఆ ట్వీట్ ట్రెండింగ్‌లోకి వచ్చింది. కానీ తర్వాత తెలిసింది ఏంటంటే.. " HitToKill అనే హ్యాష్ ట్యాగ్‌ని ట్రెండ్ చేయాలనుకున్న ఓ టెక్కీ ఇలా రజినీకాంత్ ఎకౌంట్‌ని హ్యాక్ చేశాడు" అని. ఇదే విషయాన్ని ధృవీకరించిన రజినీకాంత్ కూతురు ఐశ్వర్య ధనుష్.... మళ్లీ రజినీ ఎకౌంట్‌ని యధావిధిగా పునరుద్దరించినట్టుగా ట్వీట్ చేసింది.
@superstarrajini appa's account was hacked..handle retrieved. Thank you all :) #AllIsWell— Aishwaryaa.R.Dhanush (@ash_r_dhanush) August 2, 2016
రజినీకాంత్ ట్విటర్ ఎకౌంట్ హ్యాక్ అయిన తర్వాత HitToKill అని ట్వీట్ చేయడానికన్నా ముందుగా అతడు కమల్ హాసన్, అమీర్ ఖాన్, షారుఖ్ ఖాన్, కబాలి డైరెక్టర్ పా రంజిత్, నిర్మాత థళైవా, పీఆర్వో రియాజ్ అహ్మెద్ వంటివారిని ఫాలో అయినట్టుగా తెలిసింది. హ్యాక్ అయిన సమయంలో రజినీ ఫాలో చేసినట్టుగా చూపించిన ఖాతాలన్నీ.. ఎకౌంట్ రిస్టోర్ చేసిన తర్వాత అన్‌ఫాలోడ్ జాబితాలోకి వచ్చేశాయి.