హిమాలయాలకు తలైవా..

తమిళ సూపర్ స్టార్ రజినీకాంత్ అప్పుడప్పుడు హిమాలయాలకు వెళ్లి అక్కడ మెడిటేషన్ చేసుకుంటారనే సంగతి తెలిసిందే. ప్రస్తుతం ఆయన నటించిన ‘కాలా’ మూవీ షూటింగ్‌ అనంతర కార్యక్రమాలను కంప్లీట్ చేసుకుని రిలీజ్‌కు రెడీ కావడంతో పాటు పొలిటికల్‌గా కీలక నిర్ణయాలు తీసుకునే తరుణంలో రజనీ హిమాలయాలకు పయనం కావడం ప్రాధాన్యత సంతరించుకుంది.

శనివారం నాడు చెన్నై విమాశ్రయం నుండి సిమ్లా చేరుకుంటారు తలైవా. అనంతరం రిషికేష్, ధర్మశాల మొదలైన పుణ్యక్షేతాలను దర్శించి అక్కడ ఆధ్యాత్మిక గురువుల ఆశీర్వాదాలను తీసుకుని, రాజకీయ పరమైన సూచనలు సలహాలను అందుకోనున్నారు. కాగా 2017 డిసెంబర్‌ 31న రజనీకాంత్ పొలిటికల్ ఎంట్రీపై క్లారిటీ ఇస్తూ.. వచ్చే ఎన్నికల్లో 234 స్థానాల్లో తమ పార్టీ తరుపున అభ్యర్థులు బరిలో నిలుస్తున్నట్లు తెలిపారు. త్వరలో పార్టీ ప్రకటించే అవకాశం ఉండగా.. ‘రజినీకాంత్ మక్కల్ మంద్రమ్’ పార్టీ పేరుతో రజినీ అభిమానులు హంగామా చేస్తున్నారు.

Read this News in Tamil..