మళ్లీ పెళ్లి పీటలు ఎక్కనున్న రజనీకాంత్ కుమార్తె!

రజనీకాంత్ చిన్న కుమార్తె సౌందర్య త్వరలో రెండో పెళ్లి చేసుకోనున్నారు. గతేడాది మాజీ భర్త అశ్విన్ రామ్‌కుమార్‌కు విడాకులిచ్చిన సౌందర్య.. నటుడు, వాణిజ్యవేత్త విశ్వగణ్ వనంగమూడిని పెళ్లి చేసుకోనుంది. సౌందర్య ఐదేళ్ల కుమారుడు వేద్ కృష్ణ ప్రస్తుతం ఆమెతోనే ఉంటున్నాడు. కాబోయే భర్త విశ్వగణ్‌ను కూడా ఇది రెండో వివాహమే.

విశ్వగణ్ ‘వంజగర్ ఉల్గామ్’ అనే సినిమాతో తమిళ తెరకు పరిచయమయ్యారు. ఆ తర్వాత పలు సినిమాల్లో సహ నటుడిగా పనిచేశారు. సినిమాలతో పాటు ఆయన ఫార్మాసూటికల్ సంస్థను నిర్వహిస్తున్నారు. సౌందర్య దర్శకురాలిగా దేశంలోనే తొలి మోషన్ క్యప్చర్ టెక్నాలజీతో ‘కొచాడియాన్’ సినిమాను తెరకెక్కించిన సంగతి తెలిసిందే. తండ్రి రజనీకాంత్, హీరోయిన్ దీపికా పదుకునే పాత్రలతో తెరకెక్కించిన ఈ యానిమేటెడ్ చిత్రం పెద్దగా విజయం సాధించలేదు. ఆ సినిమా తర్వాత ఆమె ‘వెలైల్లా పట్టదారి 2’ సినిమాకు దర్శకత్వం వహించారు. గ్రాఫిక్ డిజైనర్‌గా సినిమా కేరీర్ ఆరంభించిన సౌందర్య.. ‘సండ కోజి (పందెం కోడి), శివకాశీ, శివాజీ, చంద్రముఖీ తదితర సినిమాలకు పనిచేశారు. నిర్మాతగా ఆమె ‘గోవా’ సినిమాను కూడా నిర్మించారు. సౌందర్య 2019, జనవరి నెలలో విశ్వగణ్‌ను పెళ్లి చేసుకోనున్నారు.
Read this article in English