టీజర్: సూర్య ‘చిటికె’ వేస్తే సంచలనమే!

‘దేశంలో సమస్యలను ఈకల్లా పీకి పాడేయొచ్చు.. గుండెల్లో ధైర్యం.. చేతిలో ధర్మం ఉంటే మనం దేనికీ భయపడక్కర్లేదు’ అంటూ ‘గ్యాంగ్’ టీజర్‌లో అదరగొట్టిన సూర్య మరోసారి ‘చిటికె’ వేస్తూ సందడి చేస్తున్నాడు. సూర్య, కీర్త సురేష్ జంటగా నటిస్తున్న ‘గ్యాంగ్’ మూవీ నుండి ‘చిటికె’ సాంగ్ టీజర్‌ను విడుదల చేసింది చిత్ర యూనిట్. విఘ్నేష్‌ శివన్‌ దర్శకత్వం వహిస్తున్న ఈ సినిమాలో రమ్యకృష్ణ కీలక పాత్రలో నటిస్తున్నారు.

స్టూడియో గ్రీన్‌ ప్రొడక్షన్స్‌ పతాకంపై కె.ఇ. జ్ఞానవేల్‌ రాజా చిత్రాన్ని నిర్మిస్తున్నారు. అనిరుధ్‌ సంగీతం సమకూర్చాడు. జనవరి 12న ఈ సినిమా విడుదల కానుంది. ఈ సినిమాకు సూర్యనే సొంతంగానే తెలుగులో డబ్బింగ్ చెప్పుకోవడం మరో విశేషం. తాజాగా ఈ మూవీ నుండి విడుదలై ‘చిటికె’ సాంగ్ టీజర్ ప్రేక్షకుల్లో ఆసక్తి రేకెత్తించేదిగా ఉంది. సినిమాలో ఈ సాంగ్‌ చాలా కీలకమైనట్లు తెలుస్తోంది.

‘ఒక్కడు కోటీశ్వరుడు అవడానికి కోటి మంది అడుక్కు తినాల్సి వస్తోంది. మొత్తం తవ్వి బయటికి తీస్తే.. మన దేశంలో ఉన్న చాలా సమస్యల్ని ఈకల్లా పీకి పారేయొచ్చు’, ‘నేనొక్కడ్నే ఏమీ పీకలేను సర్‌.. మనందరం కలిస్తే ఏమైనా పీకొచ్చు సర్‌’’ అనే డైలాగ్స్ ఆలోచనలో పడేయగా.. తాజాగా ‘చిటికె’ సాంగ్‌లో కనిపిస్తున్న నటీనటులందరూ చిటికేస్తూ కనిపిస్తుండటాన్ని బట్టి.. ఈ సినిమాలో సూర్య పొలిటీషియన్‌గా కనిపించనున్నారని.. ఆ పార్టీ గుర్తు ‘చిటికె’ అనే కొత్త చర్చలు మొదలయ్యాయి. అనిరుధ్ స్వరాలు సమకూర్చిన పూర్తి సాంగ్ సోని మ్యూజిక్ ద్వారా రేపు (ఆదివారం) విడుదల కానుంది.