సింగం-3కి విడుదల ఆరోజే !

సూర్య నటించిన సింగం1, సింగం2 చిత్రాలకి సీక్వెల్ సింగం-3 చిత్రం కోసం ప్రేక్షకులు ఎంతగానో ఎదురు చూస్తున్నారు. అయితే ఒకసారి రాంచరణ్ నటించిన 'ధృవ' సినిమా కోసం సింగం-3 సినిమాని డిసెంబర్ 23కు వాయిదా వేసినట్లు తెలిపారు. కానీ తమిళనాడు సీఎం జయలిత మరణం, మరోవైపు వర్ద తుఫాను, నోట్ల రద్దు కష్టాలు తదితర కారణాల చేత సింగం మరోసారి వెనకడుగు వేయాల్సి వచ్చింది.

ఈ నేపథ్యంలో మరోసారి సింగం-3 సినిమా విడుదల తేదీని ఖరారు చేశారు. రిపబ్లిక్ డే సందర్భంగా జనవరి 26వ తేదీన ప్రపంచవ్యాప్తంగా సింగం-3 విడుదల చేస్తున్నట్లు చిత్ర నిర్మాణ సంస్థ స్టూడియో గ్రీన్ వెల్లడించింది. ఈ సారి వెనకడుగు వేసే ప్రసక్తే లేదని, సింగం-3 వేట ఖాయమేనని చెప్తున్నారు. హేరీస్ జయరాజ్ సంగీతం అందించిన సింగం-3 ఆడియో డిసెంబర్ 10న విడుదలయింది.



హరి దర్శకత్వంలో తమిళ, తెలుగు భాషల్లో తెరకెక్కిన సింగం-3పై ప్రేక్షకుల్లో భారీ అంచనాలున్నాయి. ఈ సినిమాలో సూర్య సరసన అనుష్క శెట్టి, శృతిహాసన్ హీరోయిన్లుగా నటిస్తున్నారు.