నాగ్‌తో పోటీకి సూర్య ‘సై’

సూర్య నటించిన 'సింగం3' సినిమా డిసంబర్ నెలలోనే విడుదల కావాల్సింది కానీ అది కాస్త జనవరి 26కి వాయిదా వేశారు. అప్పుడైనా సినిమా రిలీజ్ అవుతుందని అభిమానులు ఆశ పడితే చెన్నైలో ప్రస్తుతం నెలకొన్న పరిస్థితుల దృష్ట్యా సినిమాను వాయిదా వేస్తున్నామని చిత్రబృందం ప్రకటించింది. దీంతో ఈ సినిమా ఫిబ్రవరి 3న రిలీజ్ కాబోతుందని కొందరు వార్తలు ప్రచురించారు.

వాటికి తెర దించుతూ.. చిత్రబృందం తాజాగా సినిమాను ఫిబ్రవరి 9న విడుదల చేయబోతున్నట్లు వెల్లడించారు. అయితే నాగార్జున నటించిన 'ఓం నమో వెంకటేశాయ' సినిమా ఫిబ్రవరి 10న విడుదల కానుంది. వాస్తవానికి నాగార్జున ‘ఓం నమో వెంకటేశాయ’ మూవీ సంక్రాంతి బరిలో నిలుస్తుందని భావించినా షూటింగ్ పూర్తైనప్పటికీ పెద్ద సినిమాలు లిస్ట్‌లో ఉండటంతో నాగార్జున పోటీనుండి తప్పుకున్నారు. ఇప్పుడు మళ్లీ సూర్య రూపంలో పోటీ తప్పకపోయినప్పటికీ ఈ రెండు సినిమాలు రెండు వేర్వేరు జోనర్లు, మరి ప్రేక్షకుల నుండి ఈ సినిమాలకు ఎలాంటి రెస్పాన్స్ వస్తుందో చూడాలి.