‘జై లవ కుశ’ ఐదో పాట.. ఫ్యాన్స్‌కి ‘స్వింగ్ జరా’

ఎన్టీఆర్ నట విశ్వరూపాన్ని బయటపెట్టనున్న సినిమాగా ‘జై లవ కుశ’ నిలుస్తుందని ఇప్పటికే ఇండస్ట్రీలో టాక్ మొదలైంది. ఇటీవల విడుదల ట్రైలర్ కూడా ఇదే విషయాన్ని స్పష్టం చేస్తోంది. మూడు పాత్రల్లో తారక్ ఇరగదీయడం ఖాయమని, తమ హీరో హిట్టు కొడతాడని అభిమానులు ఉప్పొంగిపోతున్నారు. మరోవైపు ఇప్పటికే విడుదలైన పాటలు కూడా సందడి చేస్తున్నాయి. సినిమాలో మొత్తం ఐదు పాటులున్నాయని, ప్రస్తుతానికి నాలుగు పాటలే విడుదలచేస్తున్నామని గతంలో ఎన్టీఆర్ చెప్పారు. ఇప్పుడు ఆ ఐదో పాటను విడుదల చేస్తున్నారు.

‘స్వింగ్ జరా’ అంటూ సాగే ఐదో పాటను రేపు ప్రేక్షకులకు అందిస్తున్నట్లు ‘జై లవ కుశ’ మ్యూజిక్ పాట్నర్ లహరి మ్యూజిక్ ట్వీట్ చేసింది. ఇది స్పెషల్ సాంగ్ అని పేర్కొంది. ఇప్పటికే సినిమాలో ఉన్న పాటన్నింటికీ ప్రోమోలను కూడా యూట్యూబ్‌లో పెట్టారు. మరోవైపు ఇప్పుడు విడుదల కాబోతున్న ఐదో పాట ఐటమ్ సాంగ్ అంటూ ప్రచారం జరుగుతోంది. తమన్నా ఈ ఐటమ్ సాంగ్‌ను చిందులేయనుందని ఇప్పటికే రూమర్లు చక్కెర్లు కొడుతున్నాయి. మరి అసలు విషయం తెలియాలంటే రేపటి వరకు ఆగాల్సిందే.
5th single from @tarak9999's #JaiLavaKusa special song #SwingZara will be out tomorrow ✨ Stay tuned - https://t.co/XMhGg90uQg pic.twitter.com/LnnemWRjnw — Lahari Music (@LahariMusic) September 14, 2017
ఎన్టీఆర్, రాశిఖన్నా, నివేదా థామస్ హీరో హీరోయిన్లుగా బాబీ దర్శకత్వంలో తెరకెక్కుతున్న ‘జై లవకుశ’ సెప్టెంబర్ 21న ప్రేక్షకుల ముందుకు రానుంది. దేవీశ్రీ ప్రసాద్ సంగీతం, చోటా కె. నాయుడు ఛాయాగ్రహణం ప్రత్యేక ఆకర్షణగా నిలుస్తున్నాయి. బుధవారం సెన్సార్ పూర్తిచేసుకున్నా ‘జై లవ కుశ’కు అధికారులు యూ/ఎ సర్టిఫికెట్ ఇచ్చారు.