‘సైరా’.. జార్జియాలో యుద్ధ శిబిరం!

ఇది వరకూ బాలయ్య నటించిన ‘గౌతమి పుత్రశాతకర్ణి’కి సంబంధించిన షూటింగ్ కూడా కొంత భాగం జార్జియాలో జరిగింది. ఇప్పుడు ‘సైరా నరసింహారెడ్డి’ వంతు వచ్చింది. స్వతంత్ర సమరయోధుడు, పాలెగాడు ఉయ్యాలవాడ నరసింహారెడ్డి జీవిత కథ ఆధారంగా, మెగాస్టార్ చిరంజీవి టైటిల్ రోల్‌లో నటిస్తున్న ఈ సినిమా షూటింగ్ ప్రస్తుతం జార్జియాలో జరుగుతోంది.

అందుకు సంబంధించిన ఫొటో ఒకటి ఇంటర్నెట్‌లో షికారు చేస్తోందిప్పుడు. ప్రస్తుతం అక్కడ యుద్ధసన్నివేశాలు చిత్రీకరిస్తున్నట్టుగా సమాచారం. జార్జియాలో ఈ సన్నివేశాలను చిత్రీకరించడం వల్ల అదనంగా కొన్ని స్పెషల్ ఎఫెక్ట్స్ అవసరం ఉండదు. అందుకే అక్కడ షూటింగ్ జరుగుతున్నట్టుగా తెలుస్తోంది.

ఇప్పటికూ ‘సైరా..’ షూటింగ్ కొన్ని షెడ్యూల్స్‌ను పూర్తి చేసుకుంది. హైదరాబాద్ తో పాటు కర్నూలు జిల్లాలో కూడా కొన్ని సన్నివేశాల చిత్రీకరణ జరిగింది. అమితాబ్ పోషిస్తున్న పాత్ర షూటింగ్ కూడా పూర్తి అయ్యింది. ప్రస్తుత షెడ్యూల్‌‌లో సినిమాలో కీలక సన్నివేశాల చిత్రీకరణ జరుగుతోంది.