ఫస్ట్‌లుక్: తెలుగు ‘క్వీన్‌’ మిల్కీ బ్యూటీ

బాలీవుడ్‌లో కంగనా రనౌత్ సూపర్ హిట్ మూవీ ‘క్వీన్’‌ను తెలుగులో రీమేక్ చేస్తున్నసంగతి తెలిసిందే. 'షో' చిత్రంతో ఉత్తమ ప్రాంతీయ చిత్రం, ఉత్తమ స్క్రీన్ ప్లే కేటగిరీలో జాతీయ అవార్డు పొందిన దర్శకుడు నీలకంఠ నేషనల్ వైడ్‌గా పాపులర్ అయ్యారు. తాజాగా ఆయన లాంగ్ గ్యాప్ తరువాత హిందీలో కంగనా రనౌత్‌ నటించిన ‘క్వీన్‌’ సినిమాను అదే పేరుతో రీమేక్‌గా చేస్తుండటంతో అంచనాలు ఏర్పడ్డాయి. టాలీవుడ్‌ మిల్కీ బ్యూటీ తమన్నా ప్రధానపాత్రలో నటిస్తున్న ‘క్వీన్‌’ ఫస్ట్‌లుక్‌ను ఆదివారం ఆమె ట్విట్టర్‌ ద్వారా విడుదల చేసింది. కాగా ఈ మూవీ ఓపెనింగ్ హైదరాబాద్‌లో ఈరోజు (ఆదివారం) వైభవంగా జరిగింది.

ఈ మూవీ తెలుగుతో పాటు తమిళం,మలయాళ, కన్నడ భాషల్లో తెరకెక్కిస్తున్నారు. అయితే ‘క్వీన్’ తమిళ వెర్షన్‌‌కి కాజల్‌ను ఓకే చేయగా.. కన్నడలో పారుల్ యాదవ్ ‘క్వీన్’గా నటిస్తుంది. అయితే తెలుగు వెర్షన్‌లో ‘క్వీన్’గా నటించేది ఎవరన్నదానిపై క్లారిటీ ఇస్తూ ఫస్ట్ లుక్‌ను రిలీజ్ చేశారు చిత్ర యూనిట్. ఈ ఫస్ట్ లుక్‌లో తమన్నా సోగకళ్లతో మత్తెక్కించే లుక్ ఇస్తుండగా.. మెడలో క్వీన్ అనే అక్షరాలతో ఉన్న లాకెట్ ధరించింది. మనుకుమార్ నిర్మిస్తున్న ఈ చిత్ర రెగ్యులర్ షూటింగ్ త్వరలో ప్రారంభం కానుంది.
On the way to launch #Queen #Queenonceagain Telugu @mediente pic.twitter.com/hbMuoUSQgA — Tamannaah Bhatia (@tamannaahspeaks) October 1, 2017