ధనుష్ హాలీవుడ్ టీజర్ ‘ఎక్స్టార్డినరీ’ రొమాన్స్!

‘రఘవరన్ బీటెక్’ చిత్రంతో తెలుగు ప్రజలకు చేరువైన తమిళ స్టార్ హీరో ధనుష్.. రజనీకాంత్ అల్లుడుగానే కాకుండా తనదైలి సినిమాలతో మాస్‌లో మంచి ఫాలోయింగ్ సంపాదించాడు. అటు హీరోగా ఇటు నిర్మాతగా వరుస సినిమాలు చేస్తూ బిజీ అయ్యారు ధనుష్. తెలుగు, తమిళ భాషల్లో మంచి మార్కెట్ సంపాందించిన ధనుష్ ‘రాంజానా’ చిత్రంతో బాలీవుడ్‌లోనూ ఎంట్రీ ఇచ్చిన ధనుష్.. హాలీవుడ్‌లోనూ అడుగుపెట్టేశాడు. రొమైన్ ప్యూర్తొలా రాసిన 'ద ఎక్స్‌ట్రార్డినరీ జర్నీ ఆఫ్ ద ఫకీర్ హౌ గాట్ ట్రాప్‌డ్ ఇన్ యాన్ ఐకియా వార్డ్‌రోబ్' అనే పుస్తకం ఆధారంగా తెరకెక్కిన ‘ది ఎక్స్‌ట్రార్డినరీ జర్నీ ఆఫ్‌ ఫకీర్‌’ చిత్రంతో ప్రేక్షకుల ముందుకు వస్తున్నారు. ఇటీవల షూటింగ్ పూర్తి చేసుకున్న ఈ చిత్ర టీజర్‌ను విడుదల చేసింది చిత్ర యూనిట్.

పూర్తిస్థాయి హాస్యకథా చిత్రంగా తెరకెక్కుతున్న ఈ చిత్రంలో ధనుష్ ముంబయి యువకుడిగా నటిస్తున్నాడు. తాజా టీజర్‌లో ధనుష్ రోల్ ఇలా ఉంటుందో వివరించారు దర్శకుడు. ‘ముంబైకి చెందిన ఓ కుర్రాడికి లోకఙ్ఞానం తెలీదు. ఊరును, కన్నతల్లిని విడిచి ఉండలేని పటేల్ కొన్ని పరిస్థితుల దృష్ట్యా ప్రపంచయాత్రకు బయలుదేరుతాడు. ఈ ప్రయాణంలో అతడు ఎదుర్కునే పరిస్థితులు, సాహసాలు, ప్రేమ ఇలా ఈ కథ సాగుతుంది. దీనికోసం ఇండియా, ఇటలీ, ఫ్రాన్స్, ఇంగ్లండ్, లిబియా దేశాలకు వెళ్లాం. సినిమాలో పనిచేసిన ధనుష్ సహా ప్రతి ఒక్కరు చాలా సహకరించారు. ఈ సినిమా నాకొక అద్భుతమైన ఙ్ఞాపకం" అంటూ దర్శకుడు కెన్ స్కాట్ టీజర్‌లో తెలిపారు.

తాజా టీజర్‌లో ధనుష్ నటన టైటిల్‌కు తగ్గట్టే ఎక్స్టార్డినరీ‌గా ఉంది. దేశం కాని దేశంలో బక్కపలచని శరీరంతో అమాయకత్వం చూపిస్తూ.. అంతే అల్లరితనం కలగలసిన కుర్రాడిగా ధనుష్ అదుర్స్ అనిపిస్తున్నాడు. ఈ చిత్రంలో ధనుష్ సరసన బెరనైస్ బెజో, అలెగ్జాండ్రా దడారియోలు నటించగా మే 30న ప్రేక్షకుల ముందుకు రానుంది.