‘మెర్సల్’ సాంగ్ ప్రోమో.. ‘అదిరింది’

తమిళ తలపతి,కోలీవుడ్ స్టార్ హీరో విజయ్‌ నటిస్తున్నలేటెస్ట్ మూవీ ‘మెర్సెల్‌’. అట్లీ దర్శకత్వంలో తెరకెక్కుతున్న ఈ సినిమా తెలుగులో ‘అదిరింది’ టైటిల్‌తో విడుదల కానుంది. ఇటీవల ఈ మూవీ టీజర్‌ను చిత్రయూనిట్ విడుదల చేయగా తాజాగా ఈ మూవీ నుండి ‘విల్లు విల్లు’ సాంగ్ ప్రోమోను విడుదల చేశారు చిత్రయూనిట్. అదిరింది మూవీకి ఆస్కార్ విన్నర్ ఏఆర్ రెహమాన్ సంగీతాన్న అందిస్తుండగా.. ఈ మూవీలో విజయ్ మూడు డిఫరెంట్ రోల్స్‌లో నటిస్తున్నాడు. సమంత, కాజల్‌, నిత్యామేనన్‌ హీరోయిన్లుగా విజయ్‌తో జతకడుతున్నారు. నటిస్తున్నారు. ఈ మూవీని దీపావళి కానుకగా అక్టోబరు 18న ప్రపంచ వ్యాప్తంగా విడుదల చేయనున్నారు. ఈ సినిమాను తెలుగులో ‘సర్దార్ గబ్బర్ సింగ్, కాటమరాయుడు’చిత్రాల నిర్మాత శరత్‌ మరార్‌ విడుదల చేయబోతున్నారు.

విజయ్ 61వ చిత్రంగా.. జల్లికట్టు నేపథ్యంలో అట్లీ కుమార్ ‘అదిరింది’ మూవీని తెరకెక్కించడం విశేషం. గతంలో ఈ ఇద్దరి కాంబినేషన్లో వచ్చిన 'తేరి' సినిమా సూపర్ హిట్ కావడంతో పాటు టీజర్, ఫస్ట్‌లుక్‌లకు ప్రేక్షకులనుండి రెస్పాన్స్ అదిరిపోవడంతో.. ఈ సినిమాపై భారీగా అంచనాలు ఏర్పడ్డాయి.