Tammareddy Bharadwaj: RRR ప్ర‌మోష‌న్స్ విష‌యంలో త‌న‌పై ముసురుకున్న వివాదంపై తమ్మారెడ్డి భరద్వాజ్ స్పందించారు. ఓ ఇంట‌ర్వ్యూలో చిట్టిబాబు ఫోన్‌లో మాట్లాడితే ఆయ‌న వివ‌ర‌ణ ఇచ్చాడు. త్వ‌ర‌లోనే తానే ఓ వీడియో విడుద‌ల చేస్తాన‌ని కూడా చెప్పారాయ‌న.
Authored byతుమ్మల మోహన్ | Samayam Telugu10 Mar 2023, 3:13 pm
Tammareddy Bharadwaj: RRR సినిమాలోని నాటు నాటు సాంగ్ ఆస్కార్‌కి నామినేట్ అయ్యింది. మార్చి 12న జ‌ర‌గ‌బోయే అవార్డుల వేదికపై ఈ పాట విజేతగా నిలుస్తుందో లేదోన‌ని యావ‌త్ భార‌తం ఆస‌క్తిగా ఎదురు చూస్తోంది. ఈ నేప‌థ్యంలో ఇటీవ‌ల సీనియ‌ర్ ద‌ర్శ‌క నిర్మాత తమ్మారెడ్డి భ‌ద‌ర్వాజ RRR ప్ర‌మోష‌న్స్ కోసం రూ.80 కోట్లు ఖర్చు పెట్టార‌ని, ఆ డ‌బ్బుతో 8 నుంచి 10 సినిమాలు చేయ‌వ‌చ్చున‌ని కామెంట్స్ పాస్ చేశారు. దీంతో త‌మ్మారెడ్డిపై సినీ పెద్ద‌లు రాఘ‌వేంద్ర‌రావు, మెగా బ్ర‌ద‌ర్ నాగబాబు విరుచుకు ప‌డ్డారు. మెగా బ్ర‌ద‌ర్ నాగబాబు అయితే నీయ‌మ్మా మొగుడు ఖర్చు పెట్టాడారా రూ.80 కోట్లు అంటూ ఘాటు ప‌ద‌జాలంతో రియాక్ట్ అయ్యారు.
సాధార‌ణంగా సినీ ఇండ‌స్ట్రీతో చ‌క్క‌టి అనుబంధంతో ఉండే తమ్మారెడ్డి భ‌ర‌ద్వాజ ఇలాంటి కామెంట్స్ చేయ‌డ‌ట‌మేంట‌ని ఆయ‌న స‌న్నిహితులు అంటున్నారు. ఇదే విష‌యంపై త‌మ్మారెడ్డికి స‌న్నిహితుడైన నిర్మాత, న‌టుడు, రైట‌ర్‌ త్రిపుర‌నేని చిట్టిబాబు స్పందించారు. ఏకంగా ఓ ఇంట‌ర్వ్యూలో మాట్లాడుతూ డైరెక్ట‌ర్‌గా తమ్మారెడ్డి భ‌ర‌ద్వాజ‌కి ఫోన్ చేసి ఫోన్ స్పీక‌ర్‌లో ఉంచి మ‌రీ మాట్లాడారు. ఆ సంద‌ర్భంలో తాను RRR ప్ర‌మోష‌న్స్‌కు ఖర్చు పెట్టిన డ‌బ్బులు గురించి మాట్లాడ‌లేదని, వేర్వేరు సంద‌ర్భాల్లో మాట్లాడిన వీడియోల‌ను అలా ఎడిట్ చేసి పెట్టార‌ని, త‌ను మాట్లాడిన సంద‌ర్బం, ఉద్దేశం వేర‌ని తమ్మారెడ్డి చిట్టిబాబుకి చెప్పారు. అంతే కాకుండా త్వ‌ర‌లోనే తాను దీనికి సంబంధించి వీడియో ద్వారా వివ‌ర‌ణ ఇస్తాన‌ని కూడా అన్నారు.
తమ్మారెడ్డి భరద్వాజ్ ఏ టైమ్‌లో అలా మాట్లాడారో తెలియ‌టం లేదు కానీ.. ఆయ‌న చుట్టూ RRRకి సంబంధించిన వివాదం చుట్టుకుంది. ఇండ‌స్ట్రీ దృష్టిలో ఆయ‌న‌పై తెలియ‌ని నెగివిటీ క్రియేట్ అయ్యింది. మ‌రి తమ్మారెడ్డి దీనిపై ఎలా రియాక్ట్ అవుతారో చూడాలి. మ‌రి త‌న‌పై ఘాటుగా స్పందించిన నాగ‌బాబుపై ఎలా మాట్లాడుతారో చూడాలి.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్ర‌ముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
