‘ఆమె లెస్బియన్.. నన్ను పలుమార్లు రేప్ చేసింది’

బాలీవుడ్ ప్రముఖ నటుడు నానా పటేకర్‌పై లైంగిక వేధింపుల ఆరోపణలు చేసిన నటి తనుశ్రీ దత్తాపై మరోనటి రాఖీ సావంత్ తీవ్ర వ్యాఖ్యలు చేసింది. తనుశ్రీకి డ్రగ్స్ తీసుకునే అలవాటు ఉందని, గతంలో రేవ్ పార్టీలకు తీసుకెళ్లి పలుమార్లు తనపై అత్యాచారానికి పాల్పడిందని రాఖీ ఆరోపించింది. పదేళ్ల పాటు కోమాలో ఉండి బయటకొచ్చిన తనుశ్రీకి పిచ్చి పట్టిందని ఆరోపించిన రాఖీ తాజాగా తన విమర్శలను తీవ్రతరం చేసింది.

తనుశ్రీ కొన్నేళ్లు అమెరికాకు వెళ్లి భారత్‌కు తిరిగొచ్చిందని, ఆమె చేతిలో సినిమాలు లేవని చెప్పింది సావంత్. డబ్బులు లేని కారణంగా నానా పటేకర్‌ను లైంగిక వేధింపుల ఉచ్చులోకి తనుశ్రీ లాంగిందని తమ మాటల యుద్ధాన్ని కొనసాగించింది. ఆమెతో రేవ్ పార్టీలకు వెళ్లగా దశాబ్దం కిందట తనపై పలుమార్లు అత్యాచారానికి పాల్పడిందని, తనుశ్రీ లెస్బియన్ (స్వలింగ సంపర్కురాలు) అని రాఖీ సావంత్ చేసిన వ్యాఖ్యలు సంచలనాలకు కేంద్ర బిందువుగా మారాయి.

నేను లెస్బియన్ కాదు..
#MeToo ఉద్యమంలో భాగంగా నానా పటేకర్‌పై ఆరోపణలు చేసిన తనుశ్రీ దత్తా తాను లెస్బియన్ కాదని వివరణ ఇచ్చారు. రాఖీ సావంత్ చేసిన వ్యాఖ్యలపై ఆమె స్పందిస్తూ.. ‘రాఖీ సావంత్ చేసే ఆరోపణలకు భయపడను. ఉద్దేశ పూర్వకంగానే నాపై తీవ్ర ఆరోపణలు చేస్తోంది. నాకు డ్రగ్స్, డ్రింకింగ్ లాంటి అలవాట్లు లేవు. కనీసం స్మోకింగ్ కూడా చేయను. రాఖీని రేవ్ పార్టీలకు తీసుకెళ్లి బలవంతంగా డ్రగ్స్ అలవాటు చేపించడం అనేది నీతి మాలిన ఆరోపణ. ముఖ్యంగా తాను మాత్రం లెస్బియన్ కానే కాదని’ తనుశ్రీ స్పష్టం చేశారు. రాఖీ చేస్తున్న వ్యాఖ్యలుకే ఏదో ఓ రోజు ఆమె నవ్వులపాలు కావడం తథ్యమని తనుశ్రీ అభిప్రాయపడింది..
చదవండి: MeToo సంబంధిత కథనాల కోసం క్లిక్ చేయండి