‘ఘాజీ’ పన్ను మినహాయింపు మేటరేంటి?

'గౌతమిపుత్ర శాతకర్ణి' చిత్రానికి రెండు తెలుగు రాష్ట్రాలు పన్ను మినహాయింపు ప్రకటించాయి. శాతకర్ణి జీవిత కథ ఆధారంగా రూపొందించిన ఈ సినిమాను బాలయ్య ఇమేజ్‌కు తగ్గట్లుగా తెరకెక్కించారు. చరిత్రను వక్రీకరించిన తీసిన ఈ సినిమాకు పన్ను మినహాయింపు ఎలా ఇస్తారని కొందరు చరిత్రకారులు వాధించారు.

దర్శకుడు గుణశేఖర్ సైతం శాతకర్ణికి పన్ను మినహాయింపు ఇచ్చినప్పుడు నేను రూపొందించిన 'రుద్రమదేవి'కి మాత్రం ఎందుకు ఇవ్వలేకపోయారని ప్రశ్నించారు. నిజమే రుద్రమదేవి కూడా మన చరిత్రకు సంబంధించిన చిత్రమే.. పన్ను మినహాయింపు ఇవ్వడానికి కావల్సిన అన్ని అర్హతలు రుద్రమదేవికి ఉన్నాయి. కానీ మన ముఖ్యమంత్రులు మాత్రం ఈ విషయంలో ఎలాంటి నిర్ణయం తీసుకోలేదు.

పోనీ ఈ రెండు సినిమాల విషయం పక్కన పెడితే ఇప్పుడు 'ఘాజీ' సినిమా రాబోతుంది. ఇండో-పాక్ వార్ నేపధ్యంలో రూపొందించిన కథ ఇది. ఈ సినిమాకు కూడా పన్ను మినహాయింపుకి కావల్సిన అన్ని అర్హతలు ఉన్నాయి. రానా ప్రధాన పాత్రలో నటిస్తోన్న ఈ చిత్రాన్ని సంకల్ప్ అనే కొత్త దర్శకుడు రూపొందించాడు. ఫిబ్రవరి లో ఈ సినిమా ప్రేక్షకుల ముందుకు రానుంది. ఈ కథకు మన ప్రభుత్వాలు పన్ను మినహాయింపు విషయంలో ఎలా స్పందిస్తాయో చూద్దాం..