రకుల్‌ను సర్‌ప్రైజ్ చేసిన మెగాస్టార్

బాలీవుడ్ మెగాస్టార్ అమితాబ్ బచ్చన్ టాలీవుడ్ స్టార్లను సర్‌ప్రైజ్ చేశారు. ట్విట్టర్లో యాక్టివ్‌‌గా ఉండే బిగ్ బి బాలీవుడ్ సెలబ్రిటీలను ఫాలో అవుతున్నారు. కాగా, ఇప్పుడు ఆయన టాలీవుడ్ సెలబ్రిటీలను కూడా ఫాలో అయ్యారు. నిఖిల్, సందీప్ కిషన్, వెన్నెల కిషోర్ లాంటి యువ నటులతోపాటు హీరోయిన్ రకుల్ ప్రీత్ సింగ్‌ను కూడా అమితాబ్ ఫాలో అవుతున్నారు. ట్విటర్లో బిగ్ బి తమను ఫాలో అవుతున్న నోటిఫికేషన్ చూడగానే ఒక్కసారిగా వీరంతా సర్‌ప్రైజ్ అయ్యారు.

అమితాబ్ పొరబాటున నన్ను ఫాలో అయ్యి ఉండొచ్చు. కానీ అది మాత్రం నాకు చాలా ఆనందం కలిగించిందని సందీప్ కిషన్ చెప్పాడు. రకుల్ అయితే ట్విట్టర్ ఓపెన్ చేయగానే.. తనను బిగ్ బీ ఫాలో అవుతున్న నోటిఫికేషన్ చూసి నమ్మలేకపోయింది. బాలీవుడ్‌‌లో నిలదొక్కుకోవడానికి ఇబ్బందులు పడుతున్న తనను అమితాబ్ ట్విట్టర్లో ఫాలోకావడం గొప్ప అచీవ్‌మెంట్ అంటూ రకుల్ ట్వీట్ చేసింది.

చిరంజీవి హీరోగా తెరకెక్కుతున్న సైరా నరసింహారెడ్డి సినిమాలో అమితాబ్ కీలక పాత్రలో నటిస్తున్నారు. త్వరలోనే ఆయన షూటింగ్ కోసం రానున్నారు. ఈ నేపథ్యంలోనే ఇక్కడి నటులను ఆయన ట్విట్టర్లో ఫాలో కావడం ప్రాధాన్యం సంతరించుకుంది.