కమెడియన్ విజయ్ ఆత్మహత్య

సినీ కమెడియన్ విజయ్ ఆత్యహత్యకు పాల్పడ్డారు. అమ్మాయిలు అబ్బాయిలు, బొమ్మరిల్లు, ఒకరికి ఒకరు, మంత్ర లాంటి పలు సినిమాల్లో కమెడియన్ ఆకట్టుకున్న విజయ్ సోమవారం ఉదయం హైదరాబాద్ యూసఫ్ గూడలోని తన నివాసంలో ఉరి వేసుకుని ఆత్మహత్యకు పాల్పడ్డారు. గతకొంత కొంతకాలంగా సినిమాలకు దూరంగా ఉన్న విజయ్ అప్పుల బాధ తాళలేక బలవన్మరణానకి పాల్పడ్డారు.

కమెడియన్గా కెరియర్ స్టార్ చేసిన విజయ్.. ప్రముఖ దర్శకుడు రవిబాబు తీసిన అమ్మాయిలు అబ్బాయిలు చిత్రంలో పొట్టి ప్రసాద్గా బాగా పాపులర్ అయ్యారు. ఆ తరువాత పలు సినిమాల్లో నటించినప్పటికీ.. పెద్దగా పేరు తీసుకురాలేకపోయాయి. దీంతో సినిమాల్లో అవకాశాలు కూడా పోవడంతో ఆర్థిక ఇబ్బందులు తలెత్తడంతో ఆత్మహత్యకు పాల్పడినట్టు ప్రాథమిక సమాచారం.

విజయ్ మరణం పట్ల తీవ్ర దిగ్బ్రాంతి వ్యక్తం చేశారు మా అసోషియేషన్ అధ్యక్షుడు శివాజీ రాజా.. విజయ్కు తెలుగు ఇండస్ట్రీ సభ్యులతో చాలా సన్నిహిత సంబంధాలు ఉన్నాయని.. అందరితో చాలా కలివిడిగా ఉండే వాడిని.. ఇటీవల విజయ్ తనలో మాట్లాడినట్లు తెలిపారు. అయితే విజయ్కు ఆర్థిక పరమైన ఇబ్బందులే కాకుండా కుటుంబ సమస్యలు కూడా ఉండటంతోటే ఆత్మహత్యకు పాల్పడి ఉండొచ్చన్నారు శివాజీ రాజా. విజయ్ మృతికి మా అసోషియేషన్ తరుపున సంతాపం తెలుపుతూ అతడి కుటుంబ సభ్యులకు ప్రగాఢ సానుభూతి తెలిపారు శివాజీ రాజా.