Telugu Heroine Alekhya Angel Distributing Daily Needs And Food To Cardless Junior Artists
Alekhya Angel: మళ్లీ వార్తల్లోకి ఆ హీరోయిన్.. జగన్తో ఆ ఫొటో.. నాడు దారుణమైన ట్రోల్స్, నేడు ఓ మంచి పని
షూటింగ్లు బంద్ కావడంతో దాదాపు నెలన్నర రోజులుగా నటీనటులతో పాటు, జూనియర్ ఆర్టిస్ట్లు సినీ కళాకారులు, కార్మికులు ఇళ్లకే పరిమితం అయ్యారు. రెక్కాడితే కాని డొక్కాడని వేలాది మంది కార్మికులు తిండిలేక ఇబ్బందులు పడుతున్నారు. వీరిని సీసీసీ లాంటి ఛారిటీలు ఆదుకుంటున్నప్పటికీ కార్డ్ ఉండాలనే నిబంధన ఉండటంతో ఫిల్మ్ నగర్లో ఆకలి కేకలు ఆగడం లేదు.
Samayam Telugu28 Apr 2020, 8:37 pm
ఓ సారి 2018 ఫ్లాష్ బ్యాక్కి వెళ్తే.. నేటి ఆంధ్రప్రదేశ్ ముఖ్యమంత్రి, అప్పటి ప్రతిపక్ష నేత వైఎస్ జగన్ మోహన్ రెడ్డితో జూనియర్ హీరోయిన్ అలేఖ్య ఏంజెల్ సెల్ఫీ ఒకటి సోషల్ మీడియాలో వైరల్ అయ్యింది. నిజానికి ఆమె సినిమాకి సంబంధించిన ఆడియో సీడీని ఆవిష్కరించించిన సందర్భంలో జగన్తో కలిసి సెల్ఫీ దిగింది అలేఖ్య. అయితే ఆ ఫొటోను అప్పుడు కొంతమంది పవన్ కళ్యాణ్ ఫ్యాన్స్ దారుణంగా ట్రోల్స్ చేశారు. దీంతో ఆమె మీడియా ముందుకు వచ్చి జరిగిన విషయాన్ని చెప్పడం.. తానూ పవన్ కళ్యాణ్ ఫ్యాన్ని అని చెప్పి ఆట్రోలర్స్కి గట్టి క్లాస్ పీకింది. అయితే ఇదే అదునుగా చూసి వివిధ ఛానల్స్ అప్పట్లో డిస్కషన్స్ కూడా నడిపాయి. ఈ చర్చా కార్యక్రమాల్లో పాల్గొని అసలు తనతో పరిచయమే లేదని తన లైఫ్లో ఫస్ట్ టైం కలిశా.. నా సినిమా ఆడియో సీడీని ఆయన రిలీజ్ చేసిన సందర్భంగా సెల్ఫీ దిగా అని ఆ ఫొటోని ఇంత దారుణంగా ట్రోల్ చేస్తారని ఊహించలేదంటూ వాపోయింది.
సెల్ఫీ దిగడమే నేరమా?? మీ ఇంట్లో వాళ్లనీ ఇలాగే చేస్తారా?? అంటూ ఫైర్
ఈ సందర్భంగా పవన్ కళ్యాణ్ ఫ్యాన్స్కి చురకలు వేస్తూ.. ‘ఇంట్లో మీ చెల్లి ఉండొచ్చు.. జగన్గారితో ఇలా సెల్ఫీ తీసుకుంటే వాటిని కూడా ఇలాగే చేస్తారా? నేను సీడీ లాంఛ్లో ఆయనతో సెల్ఫీ దిగితే ఇంత దారుణంగా బయటపెడతారా.. ఇంత నీఛంగా ట్రోల్ చేస్తారా? నేను జగన్ గారితోనే కాదు.. చాలా మందితో సెల్ఫీలు దిగా.. నేను సోషల్ సర్వీస్ చేస్తుంటా.. నా పుట్టినరోజుకి, పండుగలకు దానాలు చేస్తుంటా. ఆ సందర్భంలో చాలా ఫొటోలు దిగుతా. జగన్ని ఎప్పుడూ కలవలేదు. కేవలం ఆయన్ని డీగ్రేడ్ చేయడానికే కొంతమంది పవన్ కళ్యాణ్ ఫ్యాన్స్ అత్యుత్సాహం చూపించారు అంటూ అప్పట్లో ఫైర్ అయ్యింది ఈ హీరోయిన్.
కాకినాడ జగ్గంపేటలో పుట్టిన అలేఖ్య.. ఫ్యాషన్ డిజైనింగ్ కోర్సు చేసి ‘ఎదరలో చెరగని గురుతులు’ చిత్రంతో సినీరంగ ప్రవేశం చేసింది. అనంతరం ‘అక్కడొక్కడుంటాడు’ సినిమాలో కూడా నటించింది. హ్యుమానిటీ హెల్పింగ్ హ్యాండ్స్ పేరిట పలు సేవాకార్యక్రమాలు నిర్వహించే అలేఖ్య.. తాజాగా లాక్ డౌన్ నేపథ్యంలో తిండిలేక ఇబ్బందులు పడుతున్న జూనియర్ ఆర్టిస్ట్లకు అన్నం పెడుతోంది. ఇప్పటికే సుమారు 8 వేల మందికి సాయం చేసిన అలేఖ్య.. సోమవారం నాడు మరో 500 మందికి అన్నం పెట్టింది. లాక్ డౌన్లో చాలా మంది సెలబ్రిటీలు ఇళ్లకే పరిమితమై సోషల్ మీడియాలో వీడియోలు వదిలిపెట్టి చేతులు దులుపుకోవడంతోనే సరిపెట్టేస్తుంటే.. ఈ చిన్న హీరోయిన్ మాత్రం తన పెద్ద మనసు చాటుకుంటుంది.
కార్డ్ ఉన్నోళ్లకేనా కూడు?? మరి వీళ్ల పరిస్థితి ఏంటి??
ఈ సందర్భంగా ఆమె మాట్లాడుతూ.. ఇండస్ట్రీలో చాలా మంది జూనియర్ ఆర్టిస్ట్లు లాక్ డౌన్ వల్ల షూటింగ్లు లేక ఇబ్బందులు పడుతున్నారు. అయితే మన హీరోలు సీసీసీ ద్వారా ఆదుకుంటున్నారు. కాని జూనియర్ ఆర్టిస్ట్ కార్డ్ ఉన్న వారికి మాత్రమే వాళ్లు సాయం చేయగలుగుతున్నారు. ఆ కార్డ్ లేని వాళ్లు చాలా మంది ఆకలితో ఇబ్బందులు పడుతున్నారు. అలాంటి వాళ్ల ఆకలి తీర్చాలని సుమారు 500 మందికి అన్నం పెడుతున్నా. దయచేసి వీళ్లకి సాయం చేయండి.. హీరోలు చాలా మంది సాయం చేస్తున్నారు కాని.. హీరోయిన్లు సాయం చేయడానికి ముందుకు రావడంలేదు. దయచేసి హీరోయిన్లు పెద్ద మనసు చేసుకోవాలి. నేను చిన్న హీరోయిన్నే కావచ్చు.. కాని నా వంతుగా 500 మందికి సాయం చేస్తున్నా.
బడా హీరోయిన్లు.. దమ్ముంటే ఈమె ఛాలెంజ్కు సై అనండి.. ఆకలి తీర్చండి
ఇంకా నా పరిధిలో డొనేషన్ల కూడా సేకరిస్తున్నా.. నా వంతుగా రూ. 5 లక్షలు డొనేషన్ చేశా.. ఇప్పటి వరకూ తాను హ్యుమానిటీ హెల్పింగ్ హ్యాండ్స్ ద్వారా తాను 8 వేల మందికి ఫుడ్ పెట్టా అన్నారు. 10 రోజులకు సరిపడా సరుకులను పంచా అన్నారు. ఈ సందర్భంగా బి ది రియల్ హీరోయిన్ అని సవాల్ విసుతున్నా.. హీరోయిన్లు ముందుకు వచ్చి జూనియర్ ఆర్టిస్ట్ల ఆకలి తీర్చి రియల్ హీరోయిన్ అనిపించుకోండి’ అంటూ కొత్త ఛాలెంజ్ను ఆవిష్కరించింది అలేఖ్య ఏంజెల్. చూడాలి మరి మన బడా హీరోయిన్స్ దిండ్లు అడ్డుపెట్టుకుని నగ్న ప్రదర్శనలు ఇస్తారో.. ఇలాంటి పనికి వచ్చే ఛాలెంజ్లకు సై అంటారో.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.