ఓవర్సీస్‌లో తెలుగు సినిమాల టోటల్ కలెక్షన్స్

సంక్రాంతి బరిలో నిలిచిన తెలుగు సినిమాలు తెలుగు రాష్ట్రాల్లోనే కాకుండా ఓవర్సీస్‌లోనూ బాగా పర్‌ఫామ్ చేస్తున్న సంగతి తెలిసిందే. ఆల్రెడీ ప్రాఫిట్స్ జోన్‌లోకి ఎంటరైన ఈ చిత్రాల సెకండ్ వీకెండ్ కలెక్షన్స్ ఇంకొంత పుంజుకున్నాయి. ఖైదీ సినిమా విషయానికొస్తే, సెకండ్ వీకెండ్‌లో సాధించిన 1,48,000 డాలర్లతో కలిపి ఈ సినిమా ఓవర్సీస్ కలెక్షన్స్ 2.39 మిలియన్ డాలర్లకి చేరుకున్నాయి.

శర్వానంద్, అనుపమ జంటగా తెరకెక్కిన శతమానం భవతి చిత్రం కూడా చిత్ర యూనిట్ అంచనాలకి తగినట్టుగానే వసూళ్లు రాబడుతోంది. ఈ వారం సాధించిన 1,31,000 డాలర్లతో కలిపి శతమానభవతి ఓవర్సీస్ బాక్సాఫీస్ మొత్తం 6,82,000 డాలర్లకు చేరుకుంది.

లాస్ట్ బస్ నాట్ లీస్ట్.. బసవతారకరామపుత్ర బాలకృష్ణ నటించిన గౌతమిపుత్ర శాతకర్ణి చిత్రం సెకండ్ వీకెండ్ లో 1,45,000 డాలర్లు వసూలు చేసింది. దీంతో ఈ సినిమా మొత్తం 1.60 మిలియన్ డాలర్లు రాబట్టింది. ఈ వారాంతంతో గౌతమిపుత్ర శాతకర్ణి చిత్రం కూడా 2 మిలియన్ డాలర్ల క్లబ్ లో చేరిపోతుంది అని యూనిట్ వర్గాలు భావిస్తున్నాయి.