తమన్నా గీతదాటితే.. రాతమార్చింది అతడే!

టాలీవుడ్‌లో స్టార్ హీరోయిన్‌గా వెలుగొందిన తమన్నాకు బాలీవుడ్ మాత్రం పెద్దగా కలిసిరాలేదు. తను హీరోయిన్‌గా నటించిన బాలీవుడ్ సినిమాలు బాక్సాఫీస్ వద్ద ఫ్లాప్స్‌గా నిలిచాయి. అజయ్ దేవగన్, అక్షయ్ కుమార్ లాంటి స్టార్ హీరోస్ తో నటించినా వరుస డిజాస్టర్స్ ఆమెను వేధించాయి. దీంతో బాలీవుడ్‌లో తమన్నాపై ఐరెన్ లెగ్ ముద్ర పడింది.

కానీ బాహుబలి సినిమాలో ఆమె భాగం కావడం ఇప్పుడు బాలీవుడ్ మేకర్స్ దృష్టి ఆమెపై పడేలా చేస్తోంది. తమన్నాకు బాహుబలిలో అవకాశం ఇచ్చి తన రాతనే మార్చేశాడు రాజమౌళి. ఎంతలా అంటే కంగనా, ప్రియాంక చోప్రా వంటి హీరోయిన్స్ చేయాల్సిన కథను తమ్మూ బ్యూటీని హీరోయిన్‌గా పెట్టి చేస్తున్నారు.

బాహుబలి కాస్ట్‌లో బాలీవుడ్‌కు పరిచయస్తులు రానా, తమన్నా మాత్రమే. దీంతో ఈ క్రేజ్‌ను క్యాష్ చేసుకోవాలనుకున్న మేకర్స్ పేరున్న హీరోయిన్‌తో చేయాల్సిన తమిళ రీమేక్ సినిమాను తమన్నాతో చేయడానికి ప్లాన్ చేస్తున్నారు. తమిళంలో నయనతార కథానాయికగా నటిస్తోన్న 'కోలయుత్తీర్‌ కాలం' చిత్రాన్ని తమన్నాతో హిందీలో రీమేక్‌ చేస్తున్నారు. దీన్ని బట్టి అమ్మడు క్రేజ్ ఏ రేంజ్‌లో పెరిగిందో తెలుస్తోంది. అందుకేనేమో దక్షిణాది సినిమాల్లో నటించడానికి తమన్నా తన రెమ్యూనరేషన్ అమాంతం పెంచేసింది.