షారుక్ కూతురి పొట్టి డ్రెస్ అంత ఖరీదా..!

బాలీవుడ్ బాద్ షా షారుక్ ఖాన్ కూతురు సుహానా ఖాన్ బాలీవుడ్ రంగ ప్రవేశానికి సమయం ఆసన్నమైంది. ఈ మేరకు సినీ అభిమానులకు సంకేతాలు కూడా ఇచ్చింది. ఇటీవల ముంబైలోని ‘అర్ధ్’ రెస్టారెంట్ ఓపెనింగ్‌కి తండ్రితో కలసి సుహానా వచ్చింది. వాస్తవానికి ఈ రెస్టారెంట్ ఓపెనింగ్‌కి బాలీవుడ్ తారలు చాలామందే వచ్చారు. హీరోలు అనిల్ కపూర్, సుశాంత్ సింగ్ రాజ్‌పుత్, సిద్ధార్థ్ మల్హోత్రాలతో పాటు ముద్దుగుమ్మలు అలియా భట్, జాక్వలిన్ ఫెర్నాండేజ్, సోనమ్ కపూర్, మలైకా అరోరా వచ్చారు. కానీ కెమెరాలు వాళ్లను పక్కన పెట్టి షారుక్ కూతురి వైపే తమ కళ్లు తిప్పేశాయి. కారణం సుహానా వేసుకున్న బ్యాండేజ్ డ్రెస్.

బ్యాండేజ్‌లా ఒంటిని అంటిపెట్టుకుని ఉన్న చిట్టి పొట్టి ఆరెంజ్ కలర్ డ్రెస్‌లో సుహానా చాలా అందంగా కనిపించింది. తండ్రితో కలసి కెమెరాలకు పోజులిచ్చింది. ఇంతకీ ఆమె వేసుకున్న ఆ డ్రెస్ ఖరీదెంతో తెలుసా? సుమారు రూ. 60వేల రూపాయలట. ఈ ఫంక్షన్‌కి చాలా మంది సెలబ్రిటీలు బ్లాక్ డ్రెస్‌లో వచ్చారు. వారందరి మధ్య ఆరెంజ్ డ్రెస్‌లో 17 ఏళ్ల సుహానా మెరిసిపోయింది. బాలీవుడ్ రంగ ప్రవేశం చేయడానికి నటనలో శిక్షణ కోసం సుహానా లండన్ వెళ్తోంది. ఇంతకీ ఈ అర్ధ్ రెస్టారెంట్‌ను డిజైన్ చేసింది ఎవరో కాదు.. షారుక్ ఖాన్ భార్య, ప్రముఖ ఇంటీరియర్ డిజైనర్ గౌరీ ఖాన్. అందుకే మరి బాలీవుడ్ తారలంతా ఈ రెస్టారెంట్ ఓపెనింగ్‌కి తరలివచ్చారు.