‘శ్రీదేవి బంగ్లా’ టీజర్: ప్రియా వారియర్ అందాల ఆరబోత!
‘శ్రీదేవి బంగ్లా’లో ప్రియా వారియార్: అందాలు ఆరబోస్తూ.. మద్యం తాగుతూ.. సిగరెట్ కాల్చుతూ.. చివరికి బాత్టబ్లో శవంగా! ఆసక్తి రేకెత్తిస్తున్న టీజర్.
Samayam Telugu 15 Jan 2019, 12:25 am
ప్రధానాంశాలు:
- మలయాళీ కుట్టి ప్రియా ప్రకాష్ వారియార్.. గుట్టుచప్పుడు కాకుండా బాలీవుడ్ చిత్రంలో నటించింది.
- ‘శ్రీదేవి బంగ్లా’ పేరుతో రూపొందించిన ఈ చిత్రం టీజర్లో ఆమె అందాలు ఆరబోసింది.
ఆమె కన్ను కొడితే కుర్రకారుకు కొన్ని రోజులు నిద్రకరువైంది. అలాంటిది అందాలు ఆరబోస్తే.. పరిస్థితి ఎలా ఉంటుందో? ‘ఒరు అధార్ లవ్’ సినిమాలోని ఒక్క పాటతో రాత్రికి రాత్రి స్టారైపోయిన ప్రియా ప్రకాశ్ వారియర్.. ‘శ్రీదేవి బంగ్లా’ అనే బాలీవుడ్ సినిమాలో ఛాన్స్ కొట్టేసింది. శ్రీదేవిగా లీడ్ రోల్ పోషిస్తోంది. గుట్టుచప్పుడు కాకుండా షూటింగ్ జరుపుకుంటున్న ఈ సినిమా టీజర్ ఆదివారం యూట్యూబ్లో విడుదలైంది. అయితే, ఇది శ్రీదేవి బయోపిక్ సినిమానా లేదా ప్రేక్షకుల్లో శ్రీదేవికి ఉన్న పాపులారిటీని ఉపయోగించుకుని ఆమె పేరుతో తీస్తున్న చిత్రమా అనేది మాత్రం ఇంకా సస్పెన్స్గానే ఉంది. టీజర్లోని సన్నివేశాల ప్రకారం.. ఓ చిన్నారికి ఆటోగ్రాఫ్ ఇస్తూ ఈ ట్రైలర్ మొదలైంది. ఆ చిన్నారి ‘మీకు ఇష్టమైన నటి ఎవరు’ అని అడుగుతుంది. ‘‘నాకు ఇష్టమైన నటి నేనే.. శ్రీదేవి’’ అని ప్రియా సమాధానం ఇస్తుంది.
ఆ తర్వాత శ్రీదేవిగా ఆమె లైఫ్స్టైల్ గురించి చూపిస్తారు. టీజర్ మొత్తం ప్రియానే చూపించారు. మొదట్లో ప్రియాను తొలిసారిగా పూర్తిగా గ్లామర్ అవతారంలో కనిపించింది. కొన్ని సన్నివేశాల్లో ఆమె అందానికి ఫిదా కావాల్సిందే. చివరిలో ‘శ్రీదేవి బంగ్లా’ టైటిల్తో బాత్ టబ్లో పడివున్న ఉన్నట్లుగా కాళ్లను చూపించి.. ప్రేక్షకుల్లో ఆసక్తి రేకెత్తించారు. ఈ చిత్రానికి ప్రశాంత్ మాంబుల్లి దర్శకత్వం వహిస్తున్నారు.
ఆ తర్వాత శ్రీదేవిగా ఆమె లైఫ్స్టైల్ గురించి చూపిస్తారు. టీజర్ మొత్తం ప్రియానే చూపించారు. మొదట్లో ప్రియాను తొలిసారిగా పూర్తిగా గ్లామర్ అవతారంలో కనిపించింది. కొన్ని సన్నివేశాల్లో ఆమె అందానికి ఫిదా కావాల్సిందే. చివరిలో ‘శ్రీదేవి బంగ్లా’ టైటిల్తో బాత్ టబ్లో పడివున్న ఉన్నట్లుగా కాళ్లను చూపించి.. ప్రేక్షకుల్లో ఆసక్తి రేకెత్తించారు. ఈ చిత్రానికి ప్రశాంత్ మాంబుల్లి దర్శకత్వం వహిస్తున్నారు.