Thimmarusu Heroine: బాడీ షేమింగ్‌పై ‘తిమ్మరుసు’ హీరోయిన్ భావోద్వేగం.. నటన అంటే షేప్, సైజ్‌నా?

సత్యదేవ్ నటించిన ‘తిమ్మరుసు’ చిత్రం విజయవంతం కావడంతో ఫుల్ జోష్‌లో ఉంది హీరోయిన్ ప్రియాంకర్ జవాల్కర్. ఈ చిత్రంలో అను పాత్రలో ఆకట్టుకునే ప్రయత్నం చేసింది. అయితే ఈ సినిమా క్రైమ్ థ్రిల్లర్ కావడంతో హీరో హీరోయిన్ల మధ్య రొమాన్స్.. డ్యుయెట్స్ లాంటివి పెట్టలేదు. హీరోకి అసిస్టెంట్‌గా ఫుల్ లెంగ్స్ రోల్‌ చేసినప్పటికీ పెద్దగా స్కోప్ లభించలేదు.

పెర్ఫామెన్స్ పరంగా ఉన్నంతలో పర్వేలేదు కానీ.. తిమ్మరుసు చిత్రంలో ప్రియాంకర్ జవాల్కర్ బాగా బొద్దుగా కనిపించింది.. ఫేస్‌లో కూడా కళ తప్పినట్టే అనిపించింది. టాక్సీవాలా చిత్రంతో డెబ్యూ మూవీలోనే గ్లామరస్ పెర్ఫామర్ అని అనిపించుకున్న ప్రియాంక జవాల్కర్ .. తిమ్మరుసులో మాత్రం ఓ మోస్తరుగానే కనిపించింది. పైగా బాగా లావు కావడంతో బాడీ షేమింగ్ చేస్తూ కామెంట్లు రావడంతో ఎమోషనల్ అయ్యారు ప్రియాంకర్ జవాల్కర్.

శనివారం నాడు ఈ మూవీ సక్సెస్ మీట్ నిర్వహించగా.. హాజరైన ప్రియాంక బాడీ షేమింగ్‌పై కౌంటర్ ఇచ్చారు. హెల్త్ ఇష్యూస్ వల్ల లావు కావాల్సి వచ్చిందని చెప్తూ భావోద్వేగానికి గురయ్యారు. ఆమె మాట్లాడుతూ.. ‘నేను వెయిట్ పెరిగాను.. లాక్ డౌన్ తరువాత కొన్ని హెల్త్ ఇష్యూస్ వచ్చాయి. ఇదే విషయాన్ని ‘తిమ్మరుసు’ చిత్ర దర్శకుడు శరణ్‌కి కూడా చెప్పాను. అప్పుడు ఆయన అన్నారు.. నాకు హీరోయిన్ కావాలి.. మోడల్ కాదు.. పాత్రకు సరిపోయే పెర్ఫామెన్స్ కావాలి అని అన్నారు. ఆయన నమ్మకానికి నేను న్యాయం చేశాననే అనుకుంటున్నాను.

ఈ సినిమా కెమెరామెన్ అప్పుకి కూడా చేసి.. సడెన్‌గా ఇలా కనిపిస్తున్నాను.. ఏమనుకుంటారో అని చెప్పాను.. అప్పుడు ఆయన ఒకటే అన్నారు. ‘మీరు హీరోయిన్.. మోడలింగ్ ఏమీ చేయడం లేదు.. మీ పాత్రను మీరు పోషిస్తున్నారు. నీ క్యారెక్టర్ ఎంత నార్మల్‌గా ఉందో అంత రియలిస్టిక్‌గా ఉంది.. ఈ ఛేంజ్ ఇండస్ట్రీలో ఇప్పుడే మొదలైంది అని అన్నారు. ఈ విషయంలో నేను చాలా గర్వంగా ఫీల్ అవుతున్నా.. నా లుక్ నాకు గర్వంగానే ఉంది. నా పట్ల నా టీం హ్యాపీగా ఉంది.

ఈ చిత్ర నిర్మాత మహేష్.. హీరోయిన్స్ మాత్రమే కావాలని అనుకున్నారు మోడల్స్ కాదు. దర్శకుడు చరణ్ నన్ను నమ్మి ఈ పాత్ర ఇచ్చారు.. నా బాడీ, షేప్ గురించి కాకుండా పెర్ఫామెన్స్‌ని కోరుకున్నందుకు. అలాగే సత్యదేవ్‌కి స్పెషల్ థాంక్స్.. ‘యాక్టింగ్ అంటే.. ఎమోషన్స్ మాత్రమే.. లుక్ అనేది యాక్టింగ్ కంటే ఇంపార్టెంట్ కాదని నాకు చెప్పినందుకు. నేను నటించడానికి వచ్చా.. ఇంకా మంచి సినిమాలు చేస్తా.. మంచి పెర్ఫామెన్స్ ఇస్తా’ అంటూ ఎమోషనల్ అయ్యారు ప్రియాంక జవాల్కర్.

ఇక ఈమె నటించిన తొలి చిత్రం టాక్సీవాలా హిట్ కాగా.. తిమ్మరుసు కూడా హిట్ లిస్ట్‌లో చేరింది. ఇక మూడో సినిమా ‘ఎస్. ఆర్. కళ్యాణ మండపం’ ఆగష్టు 6న థియేటర్స్‌లో విడుదల కానుంది. ఈ చిత్రానికి కూడా పాజిటివ్ రెస్పాన్స్ ఉండటంతో హ్యాట్రిక్ కొట్టేట్టుగానే ఉంది ప్రియాంక జవాల్కర్ (Priyanka Jawalkar).

Read Also: ‘తిమ్మరుసు’ రివ్యూ.. గెలిచిన సత్యదేవ్