Most Desirable Men 2020: హ్యాట్రిక్ కొట్టిన విజయ్ దేవరకొండ.. మోస్ట్ డిజైరబుల్ మ్యాన్‌గా హిస్టరీ రిపీట్

రౌడీ హీరో విజయ్ దేవరకొండ చరిత్ర సృష్టించాడు. వరుసగా మూడోసారి మోస్ట్ డిజైరబుల్ మ్యాన్‌గా ఎంపికై టాప్ ట్రెండింగ్ #2లో నిలిచాడు. హైదరాబాద్ టైమ్స్ ప్రతిష్టాత్మకంగా రూపొందించే టాప్ 50 ‘మోస్ట్ డిజైరబుల్ మెన్ 2020’ జాబితాలో తొలిస్థానంలో నిలిచాడు విజయ్ దేవరకొండ. 2018, 2019, 2020 సంవత్సరాల్లో మోస్ట్ డిజైరబుల్ మెన్ తొలిస్థానంలో నిలిచి హ్యాట్రిక్ కొట్టాడు విజయ్.

2016లో మోస్ట్ డిజైరబుల్ మ్యాన్ జాబితో 20వ స్థానంలో నిలవగా.. 2017లో రెండో స్థానంలో నిలిచారు. ఆ తరువాత నుంచి వరుసగా నెంబర్ వన్ స్థానాన్ని కైవసం చేసుకుంటూ సత్తా చాటాడు విజయ్ దేవరకొండ.

ఇక ఈ జాబితాలో రామ్ పోతినేని రెండో స్థానంలో నిలవగా.. ఎన్టీఆర్ 3వ స్థానం, రామ్ చరణ్ 4వ స్థానం, నాగశౌర్య 5వ స్థానం, నాగ చైతన్య 6వ స్థానం, సందీప్ కిషన్ 9వ స్థానం, నవదీప్ 10 వస్థానాల్లో నిలిచారు. మిగిలిన లిస్ట్ ఇలా ఉంది.

ఇక విజయ్ దేవరకొండ ఇన్ స్టాగ్రామ్ ఫాలోయింగ్‌లో అందరికంటే ముందు ఉన్నాడు. దక్షిణాది హీరోల్లో విజయ్, మహేష్ బాబు, రజినీకాంత్, పవన్ కళ్యాణ్, ప్రభాస్, ఎన్టీఆర్ వంటి స్టార్ హీరోలను సైతం వెనక్కి నెట్టి ఫస్ట్ ప్లేస్ కొట్టేశాడు. ఇన్ స్టాలో 12 మిలియన్ల మంది సైన్యంతో విజయ్ సౌత్ నెంబర్ వన్ హీరోగా మారిపోయారు. మహేష్ బాబు (6.7), ప్రభాస్ (6.5), రజినీకాంత్ (707K), ఎన్టీఆర్ (2.6), రామ్ చరణ్ (3.9), అల్లు అర్జున్ (11.8) మిలియన్లతో తరువాతి స్థానాల్లో ఉన్నారు.

కాగా ప్రస్తుతం విజయ్ దేవరకొండ డేరింగ్ డైరెక్టర్ పూరీ జగన్నాథ్‌ కాంబోలో ‘లైగర్’ అనే పాన్ ఇండియా చిత్రాన్ని చేస్తున్నాడు.