మరో డైరెక్టర్‌కు రౌడీబాయ్ గ్రీన్‌సిగ్నల్.. ఇంట్రెస్టింగ్ కాంబినేషన్..!

రౌడీ స్టార్ విజయ్ దేవరకొండ వరుస సినిమాలు లైన్‌లో పెడుతున్నారు. ఓ వైపు స్టార్ డైరెక్టర్ పూరి జగన్నాథ్‌తో రెండు మూవీస్ చేస్తూనే.. శివ నిర్వాణ డైరెక్షన్‌లో మరో మూవీలో యాక్ట్ చేస్తున్నాడు. తాజాగా మరో డైరెక్టర్‌కు కూడా గ్రీన్ సిగ్నల్ ఇచ్చినట్లు వార్తలు వస్తున్నాయి. ప్రస్తుతం పూరీ దర్శకత్వంలో రూపొందిన 'లైగర్' సినిమా రిలీజ్‌కు సిద్ధంగా ఉంది. ఈ మూవీ ఆగస్టు 25న వరల్డ్ వైడ్ విడుదల చేసేందుకు మూవీ మేకర్స్ ప్లాన్ చేస్తున్నారు. పాన్ ఇండియా లెవల్‌లో పూరి ఈ సినిమాను డిజైన్ చేశాడు.

తరువాత కూడా పూరి జగన్నాథ్ డైరెక్షన్‌లోనే విజయ్ యాక్ట్ చేస్తున్నాడు. జనగణమన మూవీ ప్రస్తుతం సెట్స్‌పై ఉంది. అదేవిధంగా శివ నిర్వాణ దర్శకత్వంలో 'ఖుషి' మూవీ కూడా శరవేగంగా షూటింగ్ జరుపుకుంటోంది. ఈ మూవీ ఫస్ట్ షెడ్యూల్ ఇటీవల కాశ్మీర్‌లో పూర్తిచేసుకుంది. లైగర్ మూవీ రిలీజ్ అయిన తరువాత ఖుషి సినిమాను విడుదల చేసేట్లు రౌడీబాయ్ ప్లాన్ చేస్తున్నాడు. ఆ తరువాత 'జనగణమన' మూవీ రిలీజ్ అయ్యే ఛాన్స్ ఉంది.

ఈ సినిమాలు అన్నీ లైన్‌లో ఉండగానే విజయ్ దేవరకొండ.. మరో టాలెంటెడ్ డైరెక్టర్ మోహన్ ఇంద్రగంటి ప్రాజెక్ట్‌కు గ్రీన్ సిగ్నల్ ఇచ్చినట్లు ఫిల్మ్ నగర్‌ నుంచి వార్తలు వస్తున్నాయి. త్వరలోనే వీరి కాంబినేషన్‌కు సంబంధించి ఆఫీషియల్ అనౌన్స్‌మెంట్ వచ్చే అవకాశం ఉన్నట్లు తెలుస్తోంది. ఈ సినిమాను కూడా పాన్‌ ఇండియా లెవల్‌లోనే తెరకెక్కించే ఛాన్స్ ఉందని టాక్. ప్రస్తుతం హీరో సుధీర్ బాబుతో 'ఆ అమ్మాయి గురించి మీకు చెప్పాలి' మూవీ చేస్తున్నాడు మోహన్ ఇంద్రగంటి. ఇందులో కృతిశెట్టి హీరోయిన్‌గా నటిస్తోంది. ఈ సినిమా తరువాత రౌడీబాయ్‌తో ఇంద్రగంటి మూవీ తీసే ఛాన్స్ ఉంది.