ఘనంగా సినీ నటి అర్చన వివాహం.. హాజరైన ప్రముఖులు

ప్రముఖ సినీజ నటి అర్చన వివాహం గురువారం తెల్లవారు జామున 1:30 నిమిషాలకు ఘనంగా జరిగింది. హెల్త్‌కేర్‌ సంస్థ వైస్‌ ప్రెసిడెంట్‌ జగదీష్‌ను ఆమె వివాహం చేసుకున్నారు. కుుటంబ సభ్యులు, సన్నిహితులు మధ్య వారిరువురు మూడుముళ్ల బంధంతో ఒక్కటయ్యారు. వారి పెళ్లి వేడుకలో పలువురు సినీ ప్రముఖులు సందడి చేశారు.
Also Read: `తెనాలి రామకృష్ణ బీఏబీఎల్` మూవీ రివ్యూ

వివాహ వేడుకకు ముందు అథితుల కోసం ఘనంగా రిసెప్షన్‌ను నిర్వహించారు. గచ్చిబౌలిలోని కొల్లమాధవరెడ్డి గార్డెన్‌లో అంగరంగ వైభవంగా ఈ వేడుక జరిగింది. అక్టోబ‌ర్ 3న హైదరాబాద్ బంజారాహిల్స్‌లోని రాడిసన్ బ్లూ హోటల్‌లో అర్చన‌, జగదీశ్‌ల నిశ్చితార్ధం జరిగిన విషయం తెలిసిందే.
See Photos: హీరోయిన్ అర్చన పెళ్లి రిసెప్షన్‌లో మెరిసిన సినీలోకం

టాలీవుడ్‌కు క్యారెక్టర్‌ ఆర్టిస్ట్‌గా పరిచయం అయిన అర్చన పలు చిత్రాల్లో హీరోయిన్‌గానూ నటించారు. తెలుగు, తమిళ, కన్నడ, మలయాళ భాషల్లో కలిసి దాదాపు 40 సినిమాల్లో నటించారు. ఇటీవల సప్తగిరి హీరోగా తెరకెక్కిన వజ్ర కవచధర గోవింద చిత్రం చివరగా నటించారు. బిగ్‌బాస్‌ తెలుగు తొలి సీజన్‌లో కంటెస్టంట్‌గా కనిపించారు.
See Photo Story: అంగరంగ వైభంగా హీరోయిన్ అర్చన వివాహ వేడుక