‘‘సినిమా వాళ్లు తాగకుండా ఉండలేరు, వారంతా కృష్ణంరాజు వద్దకు వెళ్లేవారు’’
సినిమా పరిశ్రమకు తాగకుండా ఉండలేరని అంటున్నారు ప్రముఖ దర్శకుడు ఇమంది రామారావు. లెజండరీ నటుడు కృష్ణంరాజుతో తనకున్న అనుబంధాన్ని గుర్తుచేసుకుంటూ ఆయన పై విధంగా వ్యాఖ్యానించారు. కృష్ణంరాజు పుట్టినరోజు సందర్భంగా ఆయన గురించి ఎన్నో ఆసక్తికర విషయాలను ఓ ఇంటర్వ్యూలో వెల్లడించారు. ఇంతకీ ఆయన ఏం చెప్పారంటే..
వారంతా కృష్ణంరాజు వద్దకు వచ్చేవారు
‘‘సినీ పరిశ్రమకు చెందినవారు తాగకుండా ఒక్కరోజు ఉండేవారు కాదు. ఎందుకంటే వారి జీవితంలో ప్రతీ రోజూ ఏదో ఒక సినిమా మొదలవుతుంది, లేదా వాటికి సంబంధించిన పార్టీలు అవుతూ ఉంటాయి. ఆ సందడిలో భాగంగా తాగుతూ ఉంటారు. అయితే పచ్చకామెర్లు వస్తే పత్యం ఉండాలి. మద్యం అస్సలు తాగకూడదు. ఒకవేళ చిత్ర పరిశ్రమకు చెందినవారిలో ఎవరికైనా పచ్చ కామెర్లు వస్తే వారు వెంటనే కృష్ణంరాజును సంప్రదించేవారు. ఆయన హస్తవాసి ఎంత మంచిందంటే... పచ్చకామెర్లు వెంటనే తగ్గిపోయేవి’’