మళ్లీ తండ్రయిన స్టైలిష్ స్టార్ అల్లు అర్జున్

టాలీవుడ్ యువ హీరో, స్టైలిష్ స్టార్ అల్లు అర్జున్ మళ్లీ తండ్రయ్యాడు. బన్నీ శ్రీమతి స్నేహారెడ్డి సోమవారం రాత్రి హైదరాబాదులోని ఒక ప్రైవేట్ ఆసుపత్రిలో పాపకు జన్మనిచ్చారు. నాలుగేళ్ల క్రితం బన్నీ దంపతుల ఇంట కుమారుడు అయాన్ కాలుమోపిన సంగతి తెలిసిందే. ఈసారి తనకు పాప పుట్టినందుకు అల్లు అర్జున్ ఉబ్బితబ్బిబ్బైపోతున్నాడు. ఒక అమ్మాయి, ఒక అబ్బాయి.. తండ్రిగా ఇంతకు మించి ఆనందం ఏముంటుంది అంటూ స్టైలిష్ స్టార్ పొంగిపోతున్నాడు. ఈ మేరకు తన ట్విట్టరు ద్వారా బన్నీ తన అభిమానులకు శుభవార్త తెలిపాడు. తాను చాలా అదృష్టవంతుడిని అని బన్నీ చెప్పారు